بالفيديو سعد الصغير: تامر أمين كل يوم يسهر عندي ومعاه واحدة
هاجم الفنان سعد الصغير الإعلامي تامر أمين متهمًا إياه نافيًا كل ما قاله مقدم برنامج «من الأخر» عن شجاره مع الراقصة شمس ، قائلًا: «هو بيتكلم على القيم والأخلاق والكلام دي.. أنت متعرفش القيم والأخلاق خالص».
وأوضح «الصغير» أثناء حلوله ضيفًا على برنامج «الليلة دي»، على قناة «سي بي سي»: «الراجل ده بيتكلم إن أنا اتخانقت مع شمس وضربنا بعض ورحنا النيابة، رحنا النيابة يبقى فيه محضر، ينفع مذيع يبقى معروف وبيتكلم ومفيش أصلًا محضر وبيتكلم كدة وخلاص؟».
وأضاف: «خدي الجديد بقى، هو بيتكلم على الراقصات إن الرقاصات، عن القيم والأخلاق والحاجات دية، اللي يتكلم عن القيم والأخلاق ده لازمًا يكون راجل بقى بتاع ربنا وتمام، أنت يا أستاذ تامر حضرتك ما بتجيش تسهر إلا عندي وكل يوم معاك واحدة، أنت بتتكلم عن القيم والأخلاق، أنت متعرفش القيم والأخلاق خالص، لو أنت بتتكلم، اللي بيتكلم ده يبقى حد عارف ربنا، أنت بتتكلم إن سعد الصغير اتضرب أنت شفتني؟ أنت شفت رقم محضر؟ مشفش أي حاجة، أوعى تتكلم عن القيم والأخلاق».
