يعني لما كان مرسي في مجلس الشعب وكان البرلماني المحنك وكان ثائرا جدا علي حوادث القطار ويطالب بمحاسبة كل المسئولين لحد رئيس الوزراء والان بعد نفس المسلسل القذر الذي استمر في عهده وبعد حادث قطار الموت باسيوط والذي راح ضحيته 51 طفل برئ يطلع لنا مرسي ويقدم التعاذي ويقبل استقالة الوزير …. استقالة ايه يا ريس دا لازم يقال ويتحاسب وبعدين باعت تعويض للصعايدة 4000 جنية للميت و 1000 جنيه للمصاب … هي دي تسعيرة المواطن المصري هي دي تسعيرة الطفل المصري يا مرسي …. دا عشان اطفال غزة واللي محصلوش 40 قام رئيس الوزراء الهام وسافر علي غزة … ايه الشهامة دي !!! طب يا اخي ما تلف الجمهورية واطمن علي اهل بلدك شوف ايه اللي بايظ وصلحه ولا يا مرسي هنفضل مقيينها صلوات ودعوات ولو حصل حاجة يبقي قدر الله …. ما هو صحيح قدر الله ولكن اين انت يا مرسي …انت قبلت تمسك البلد وهي بايظة يبقي لازم تصلحها ولو مش قادر امشي وسيب غيرك … الناس اللي اختارتك فكرت ان عندك دين يجلعك ترعي الكل لكن لحد الوقت لم يشعر اي شخص باب تغيير حوادث القطارات زي ما هي وعربيات البوكس بتوصل ولاد البشوات زي زمان والزبالة زي زمان وزاد وغطي ازمات البنزين والسولار من الاخر انت كمان مسئول ومش قد المسئولية ….
ربنا يلهم اهل الضحايا الصب والسلوان ونحتسبهم شهداء
رزقي علي الله
جلال حسانين
