قصيدة معركة كوبري قصر النيل الحزين تأليف : جلال حسانين
بماسبة الذكري الأليمة لمعركة كوبري قصر النيل 28 يناير هذه المعركة الشرسة بين قوات الشر والمصريين الأبطال الذين لم يوقفهم ولم يمنعهم أي من الأساليب العبيطة التي قامت بها قوات الشرطة في هذا اليوم الحزين الا أنه أصبح يوم فرح لاننا أثبتنا أننا بجد نحب هذه البلد وعلي استعداد أن نموت في سبيلها وهذا ما حدث بالفعل.
معركة كوبري قصر النيل الحزين
علي كوبري قصر النيل
شفت الولاد جايين
قلبي عليهم رجف
و الفرحة ما تتوصف
و النهر لو كان وقف
يبقي الولاد راجعين
رفعوها سلمية
دا احنا ولاد النيل
مصري ورا طلقة
و التانى قدامها
طب مين بيضرب مين؟
يا ولادي يا غاليين
خطاويكو قدامكو
والجرأة جواكم
و الحق وياكم
شجعان يا مصريين
ع الكوبري شفت الحق
و الشرطة مجنونة
بالطلق رشونا
بالمية حمًونا
يخرب أبالسكم
و شلت أياديكم
يا سامعنى رد ” آمين “
صلينا ع الكوبري
ذود غباوتهم ذادت عزيمتنا
و مصفحة شرطة
بتدوس ضنايا دوس
و سمعت قادتهم ” اضرب عليهم دوس “
بس احنا مش ماشيين
قلبي عليهم غضب
خالد شهيد اتظلم
عدا حدود الألم
حركت فينا الأدب
ومسكنا ورقة وألم
رفرفت فينا العلم
علي راسنا دنيا ودين
[nggallery id=19]
