انا من مصر مصراوي
و جد الجد ربانى
و حوشلي كمان ملاليم
اقوم من نومي اتوضي
و اصلي لاجل ما يرضي
و ازور اصحابي لما افضي
و لون نيلك كما الفضا
ومن اسمك عشقت الميم
——————————–
انا مسلم كمالشعراوي و البنا
و يرمي صباحي ع الشاعر وع الفلاح و ع البنا
و لينا في الجنوب نوبه
لها نغماتها في ودانا
و عمري ماهننسي لا حلايب ولا شلاتين
———————————–
انا مسلم انا مصري انا انسان
انا بتغني بالوحدة
وكل المسلمين اخوان
يجيلنا من الظلام جاهل
يفتتنا حتت اقاليم
——————————–
انا طيب مع الطيب
لكن في الجد بتمرد
علي الدجال
علي اللي بيستهين بينا
على القرصان
مدبح كل احلامي
بسكينة تحت اسم الدين
تأليف: جلال حسانين
