علي صفحة حركة 6 ابريل في الفيسبووك جاءت فصة سلمي كالتالي:

اعتقالى الاول والاخير
( كتبت سلمى الصاوي ) 

* فى البدايه احب اعرفكم انا مين؟ انا سلمى الصاوى فى كليه السن ترجمه طبيه الى هنا فانا فتاه عاديه لاتحمل الضغينه الى احد والعكس تبداء مشكلتى مع بدايه هذا السطرانا من عائله اخوانيه و عضوه فى حركه شباب 6 ابريل تضاداى اليكما انى : اخوانيه المنشاء والطباع ابريليه التفكير والانطباع ولانى اخوانيه فانا من شباب الاخوان المنشقين

ندخل فى الموضوع :
بعد وقفه خالد سعيد , وقفنا عند وزاره الداخليه كنت فى اكتوبر بالليل وانا مروحه نزلت الحصرى , جه ضابط جيش سالنى عن بطاقتى وانا مش معايا بطاقه , فنادى ضابط شرطه واخد كارنيه النادى بتاعى وعرف اسمى , فقالى عاوزينك فى موضوع
ركبت معاه وغمى عنيا , وانا فى العربيه ووصلنا للمكان اللى دخلت فيه قعدت تقريبا ساعه لوحدى , وبرده ماكنتش شايفه حاجه, بعد كده طلعونى على مكان تانى , وقعدونى على كرسي والضابط بداء يسالنى عن ناس كتير فى الحركه فيه اللى اعرفهم ,وفيه اللى ما اعرفهمش ,وبدأ يسالنى عن علاقتى بيهم , ب احمد ماهر ومحمد عادل واحمد دومه ,وعواد ,وزايد ,واسماء محفوظ فقلتله اعرفهم اسامى بس , انا اصلا مش بقابلهم كتير بداء يسالنى عن اشاعه مقتل صفوت حجازى , و عن اخوان عندنا فى اكتوبر وليه انشقيت عنهم , ثم رجع تانى لموضوع اسماء محفوظ وقالى : اسماء فين؟ , فقلتله : هى مسافره , قالى : مسافره ليه ؟ , قلتله ما اعرفش انا مش بتابع اوى , قالى : هى مسافره علشان تحصل على معونات خارجيه للاحزاب والحركات والمنظمات السياسيه فى مصر للانقلاب على المجلس العسكرى , انفعلت وقلتله : مستحيل انها تعمل كده , قعد يزعق ويضرب فيا ,ويقولى : ” انتوا فاكريين ان المجلس العسكرى ولا اللى جاى بعده هينفعكوا ده اقل حكم 3 سنين , واللى هيكسر اشاره مرور هياخد 5 سنين , واللى هيغلط هنجيبوا وهيتحاسب , واللى مش هيغلط هنجيبه ونلفقلوا ”

و رجع يضرب تانى , و انا كنت بحاول افهمه رأيي , وان ده مش حقيقي وهو بيضرب ضربنى بعصايه على دماغى افقدتنى الوعى بعد مافوقت قالى : ” انتى هتخرجى دلوقتى بس ما تحاوليش انك تسافرى او تهربى احنا جبناكى من الشارع .. لا من بيت ولا من مقر … يعنى لو اختفيتى فين هنلاقيكى ونجيبك … احسنلك تفضلى موجوده احنا ممكن نحبسك لغايه ما اسماء ترجع .. او لغايه ما نبقى عاوزين نطلعك بس انا مش بحب العياط ” , ونادى عسكرى وطلعنى بره وشال اللى على عينى , بقيت فى الصحراء اللى عند مبنى امن الدوله اللى فى اكتوبر , على طريق هايبر
ده كل اللى حصل بالنسبه بقى ان فى ناس بتقول انى كدبت الخبر ده , الموضوع ده مش صح انا ماكدبتش حاجه حصلت بالفعل , و تحت اى ضغط هافضل ثابته على كلامى , ومن ساعه ماحصل الموضوع ده وانا بقول نفس الموضوع .. وماكدبتش حاجه , يبقى مش عاوزه حد يألف , ربنا يهدينا واياكم اجمعين .. عارفيين ايه اللى عمل فيا كده , واللى عمل فينا كلنا كده , ان انحنا من جوانا منقسمين , اخوان وبقوا قيادات و وشباب اخوان , و6 ابريل منقسمين عز وماهر , طيب تفتكروا لما احزاب او حركات او جماعات بتنقسم , عاوزين الدوله ما تنقسمش : حاكم ومحكوم او شعب وجيش او شرطه , لازم نوحد صفنا , ونقوم كلنا نكمل المشوار , ربنا يهدينا ويغفر لنا *

– انتهى النوت –

===============================================================

رد الفعل ::

قال نشطاء بحركة 6 أبريل إن تدخل الدكتور عصام شرف رئيس الوزراء، ووزير الداخلية، واظهار اهتمامهما الشخصي  بما حدث مع الناشطة سلمى الصاوي والبدأ في اجراء العديد من التحقيقات التى سوف يتم إعلان نتائجها الخميس، وذلك بعد اختطافها من الشارع والتحقيق معها من قبل ضباط في الأمن الوطني على حد قولها في منطقة الحصري بمدينة  6 أكتوبر  .

وقالت سلمي في تصريحات لمصراوي أنها مصرة على اقوالها ولن تغيرها مهما حدث ومهما تعرضت لضغوط من أية جهة، وقال أحمد ماهر منسق الحركة إن ما جرى يدفع بالمزيد من الشكوك حول دور جهاز الامن الوطني وعودة مباحث أمن الدولة في ثوب آخر .

ومن جانبها، أعلنت وزارة الداخلية أن عمليات الفحص التي قامت بها الأجهزة الأمنية المعنية بالوزارة بشأن ما نشرته بعض المواقع الإخبارية الالكترونية على شبكة الانترنت، أكدت عدم صحة الأنباء التي أشارت إلى قيام أحد ضباط الشرطة بتجاوزات بحق المواطنة “سلمى الصاوي”.

وقالت الوزارة في بيان لها مساء الأربعاء أن أجهزة الوزارة المختلفة تابعت عن كثب ما تناقلته المواقع الإخبارية من تعرض المواطنة المذكورة لبعض التجاوزات من قبل أحد ضباط الشرطة، مضيفة أنه تم تكليف الجهات المعنية بالفحص للوقوف على حقيقة الأمر، حيث تبين عدم صحة الوقائع التي بثتها بعض المواقع الإخبارية في هذا الشأن، وأن أحدا من ضباط الشرطة لم يتعرض للمواطنة “سلمى الصاوي” أو يستوقفها بأي من المواقع الشرطية.

وأكدت وزارة الداخلية رفضها الكامل لوقوع أية تجاوزات أو مساس بحقوق المواطنين، والتي تتنافى مع السياسة الحالية للوزارة والتي تتسم بالشفافية التامة، وفي إطار من الشرعية وسيادة القانون.

ودعت الوزارة المواطنة “سلمى الصاوي” للتوجه إلى ديوان وزارة الداخلية أو للجهات القضائية المعنية لاتخاذ الإجراءات القانونية اللازمة بشأن شكواها موضوع النشر.

==============================================================

أري ان كل الجهود يجب أن تكثف في البحث في هذا الأمر حتي لا يتم فقدان الثقة في كل ما يجري حولنا