شكرا يا شيماء على الموضوع الجميل جداااا و المفيد للجميع

بالنسبة لي فانا كنت علمي علوم و ده كان من سنة واحدة و كنت الحمد لله شاطرة فيهم فاتمنى انى اقدر افيدك

بالنسبة ليكي فانا شايفة انك تدخلي ادبي و ده لانك من الاساس محدده هدفك انك عاوزة ان شاء الله اعلام و دي كلية رااائعة جداااا و من كليات القمة في الادبي و بتاخد مجموع اقل في الادبى و ربنا يحقق لكي طموحط و بما انك مش عاوزة لا طب و لا صيدلة و (((الناس بتدخل العلمى عشان الكليتيتن دول و بعد كده كل الكليات في العلمى بتساوي))) فحرام تضيعي وقتك و مجهودك في مواد العلمي الصعبة و المتعبة جدااااا ((ده عن تجربة ))) لان الفيزياء لوحدها مشكله و عاوزة مذاكرة من نار و طبعا بيكون معاها اما كيمياء او احياء و الاتنين عاوزين مذاكرة على طول و متعبين في المذاكرة في حين ان الوقت ده ممكن تستفيدي منه في مواد ادبى الابسط من العلمى بكتير جدااااافي كل المواد و مش بس في مادة او اثنين و تجيبي مجموع عالى تدخلي بيه الكلية اللي انتى حباها
كمان حطي في دماغك ان اغلب امتحانات المواد العلمية بتكون دايما فيها افكار كتير و كلها قوانين و معادلات فطالما انتى زى ما بتقولى شاطرة جداااا في المواد العلمية الصعبة فده معناه انك ان شاء الله هتكونى متفوقة و نابغة في الادبى
و عموما انتى وحدك اللي هتقرري انتى عاوزة ايه و اهم حاجة انك متعمليش حاجة انتى مش مقتنعة بيها او بس لمجرد انك اتأثرتى بكلام الناس لان انتى اللي هتذاكرى و انتى اللي هتمتحنى بقدراتك انتي و بمذاكرتك و مش بمذاكرة اصدقائك او اللي حوليكى
و ربنا يوفقك و يحقق لكي كل امانيكى
و بالتوفيق لكل الطلبة في جميع المراحل الدراسية