السلام عليكم ورحمة الله و بركاته
صباح الخيرات عليكم إخوانى الكرام ، الموضوع ده فكرنى بأيام الدراسة و الإذاعة المدرسية و أنا كنت متخصص قراءة القرآن فى الإذاعة لما بيكون الدور على الفصل بتاعى فدى مش أول مرة همسك فيها مايك بس دى أول مرة مش هقرا فيها قرآن على المايك
فأظن إنه هيكون صعب كتير ان الواحد يتكلم و خصوصاً مش عارف انا هقول ايه
على كل حال خلونى أعرفكم بنفسى لحد ما أشوف هقول ايه بعد كده
أخوكم / محمد النعمانى - 28 وماشى فى ال 29 سنة إن شاء الله. تخرجت فى كلية الآداب قسم اللغة الفرنسية عام 2002 . مشتغلتش بمجالى و اتجهت للعمل الحر وبحكم خبرتى فى الكمبيوتر ففتحت مكتب كمبيوتر للكتابة والطباعة و الصيانة و بعدين فتحت مكتبة أدوات مدرسية وماشى الحال.
أنا إنسان بسيط جداً و بحب الخير لكل الناس و بفضل الله لا أحمل حقداً لأى مخلوق على وجه الأرض حتى لو أذانى بقول أو بفعل و لذلك فالحمد لله وحده أنا أيضاً محبوب من الناس. أعشق مساعدة الناس قدر استطاعتى و أكاد أطير من الفرح حينما أساعد شخص ما و أرسم البسمة على وجهه. أهوى القراءة والشعر و الرياضة وأجيد لعبة الشطرنج.
منتدى كويك لوك هو بيتى الثانى الذى أحب قضاء معظم وقتى فيه و لست مشترك بأى منتدى آخر و للمنتدى منزلة كبيرة فى قلبى ويعلم الله. لى عودة مرة أخرى بإذن الله تعالى
[44]
...[[ المآيـك بيدك ]]...[[ خاطرك هنآ فأبدعنآ ]]...