انا لما كنت فى الاعدادى والثانوى كنت بمسك الاذاعه كتير وكنت بخاف جدا ليكون مواضيعى مش عجبت حد او ممله على حد عشان كده احيانا كنتت بتهرب منها ونفس الخوف ده جالى دلوقتى بس ان شاء الله مش هاتهرب
وبعد عناء طويل مع نفسى قررت ان الموضوع اللى هاعمله يكون عن عدم التساوى بين الاولاد يععنى الاب او الام مثلا يفضلو شخص معين او بنت معينه على باقى اخواتها وده بيحصل عند ناس كتير جدا واسوء حاجه فى الموضوع ان باقى الاولاد بيحسو بغيره شديده بسبب موضوع زى ده وبيكبر معاهم كرههم لاخوهم ده او اختهم وسبحان الله فى ناس بتميز الصبيان عن البنات ومثلا لو جم يدو الصبيان هديه والبنات هديه بيدو الصبيان الضعف ولما حد يجى يكلمهم يقولو (للذكر مثل حظ الانثيين) لكن المفهوم ده خاطئ تماما لان الجمله الكريمه مذكوره فى حالة الميراث فقط ومن وراء ذلك حكمه اما بالنسبه فى الحياه فالتساوى بين الاخ والاخت امر به الرسول (ص) وسيحاسب عليه الشخص يوم القيامه
وباللنسبه للاباء انا مش فاهمه ازاى يخلو اتنين اخوات تبقى حياتهم جحيم مع بعض بسبب كده وانا شايفه ان الانسان مش خطأ انه يفضل انسان عن اخر او ابن عن بنت لان حتى انا ليا اخوات بحبهم اكتر من اخوات واصدقاء بحبهم اكتر من اصدقاء لكن المفروض انه يخبى حاجه زى كده وما يظهرهاش منعا للكلام السابق ذكره وانا اخترت الموضوع ده بالذات لان فى واحده معينه حياتها فعلا جحيم بسبب الموضوع ده وانا طولت عليكم كتير وارجو ان الموضوع يعجبكم وما يكونش ممل بالنسبه ليكم واى حد عنده اضافات تانيه عشان نتجنب حاجه زى دى يقول عشان الكل يستفاد وشكرا لحسن استماعكم انهيت المايك فى ايد الباشمهندس مصطفى رفعت
[134]
...[[ المآيـك بيدك ]]...[[ خاطرك هنآ فأبدعنآ ]]...