الفصل الثالث



عدى 3 ايام ...وانا بحلم بنفس الحلم...

فى كل مره بقوم مفزوعه...وبفضل ابكى...

اتخنقت من تكرار الحلم...مش فهامه معناه...انا ليه بكسر بوذا...

حكيت لماما يمكن تساعدنى...قالتلى يمكن مقصره فى صلاتى لبوذا...

او يمكن مش بصلى بخشوع...

فعلا انا ليا فتره مش بصلى بخشوع...بأمن على الابتهالات

والصلوات اللى بابا بيقولها...من غير ما ابقى مدركه معناها...

عشان كده قررت ان ارجع اتقرب من بوذا اكتر...يمكن يرضى عنى...





فى بوم كنت مخنوقه...ومليش نفس للمذاكره...وزهقانه

فقولت اروح لتقى...اقعد معاها شويه...

فتحتلى الباب مامتها...ورحب بيا...وقالتلى ان تقى فى اوضتها

رحتلها...كان معاها احمد وكانوا بيلعبوا كوتشينه...

تقى (بسعاده):ايه ده روزى هنا...ازيك يا قمر

انا : كويسه

احمد (بابتسامه) : اخبار دراستك ايه

انا : تمام اهى ماشيه

احمد : انا هسبكوا بقى عشان تقعدوا مع بعض برحتكوا

انا : لا عادى خليك معانا

دى اول مره اطلب منو انو يقعد معايا قى حته...خفت يكون اضايق...اويكسفنى

لكن لقيتوا بصيلى وابتسم...

تقى : خليك يا احمد معانا ونلعب كلنا مع بعض

فضل بصيصلى وهو مبتسم...وقال" اوك"





كان وقت جميل...فضلنا نلعب ونضحك ونتكلم...اول مره اقضى فتره طويله كده معاه...

ياريت الوقت يوقف...وميعديش...وافضل كده معاه...

تقى : صح يا روزى احنا مسافرين بكره مصر...عاوزه حاجه نجبهالك من مصر معانا

انا : مسافرين...ليه؟؟؟

تقى : رمضان بعد بكره...وحابين نقضيه مع اهلنا فى مصر

انا : رمضان...ايه رمضان ده!!!

احمد : ده شهر مبارك...بنصوم فيه...ونعبد فيه لربنا اكتر...

وبيبقى جميل ان وقت الفطار العيله كلها تتجمع ونفطر مع بعض

انا (بحزن): يعنى هتفضلوا شهر فى مصر

احمد: تقريبا بس هنيجى اخر يوم فيه عشان انا وتقى عندنا امتحان فى الكليه

تقى : بس يارب رمضان يكون 30 يوم...لو كان 29 امتحانا هيبقى اول يوم فى العيد...

ونبقى اتحرمنا من اننا نعيد مع اهلنا فى مصر...ومن اننا نعيد مع المسلمين اللى هنا...

احمد : لا ان شاء الله هيبقى 30 يوم

طبعا مكنتش فهماه حاجه من اللى بيقلولوه...بس مهمنيش انى اسالهم...

كان كل اللى بفكر فيه...ان مش هشوف احمد شهر...

سكت وفضلنا نلعب...





جه وقت صالتهم...استأذنوا منى عشان يروحوا المسجد يصلوا...

وقالولى انهم هيتاخروا عشان عندهم درس دينى بعد الصلاه...

سلمت عليهم ومشيت...

كنت فرحانه بالوقت الجميل اللى قضتوا معاهم...فى نفس الوقت كنت

زعلانه انهم مسافرين...مش هشوف حبيبى شهر...

رجعت البيت...دخلت اوضتى...نمت...الحلم اتكرر...

بكسر بوذا بالفاس...الف القى بابا ورايا...فى ايده سكينه...وبيجى ناحيتى...

قمت من النوم مفزوعه...ومن غير ما احس...مسكت التمثال اللى جمبى...ورميتوا...

وقع على الارض....واتكسر...

اترعبت لما شفت التمثال على الارض...مكسور...

الحلم بداء يتحقق



يتبع...