الفصل الرابع



ازاى عملت كده...مكنش قصدى اكسره

ازاى رميتوا...اكيد بوذا غضبان منى...اكيد هيأذينى...انا اتصرفت كدا ازاى...

نزلت بسرعه من على السرير...لميت اجزاؤ التمثال المكسور...قبل ماحد يدخل عليا ويشوفوه...

حطيتهم فى شنطتى...اخد الشنطه وخرجت من البيت...فضلت اجرى فى الشارع بسرعه

اجرى...اجرى...اجرى...





تعبت من الجرى...وقفت استريح...لقيت نفسى قدام المسجد اللى احمد وتقى بيصلوا فيه...

جواه ناس...شكل الدرس الدينى لسه مخلصش...

مش عارفه ايه اللى جبنى هنا...بس قررت استنى احمد وتقى...

احكيلهم على اللى حصل...يمكن يساعدونى...

كان فى سلة زباله على الرصيف اللى قدام المسجد...روحتلها وطلعت اجزاء التمثال من شنطتى

...ورميتوا...بلف...لقيت بابا بيمشى ناحيتى...

بابا : بتعملى ايه هنا

انا(بتردد) : انااااا....كنت...انااا...مستنيه تقى

بابا : ومكنش ينفع تستنيها فى البيت...

انا : اصل احنا خارجين نشترى حاجات<o>...</o>

...فقولت اعدى عليها ونطلع علطول بالمره...

بابا : امممممممممممممم...روحى استنيها فى البيت

جريت بسرعه على البيت اول ما قالى كدا...كنت خايفه افضل قداموا...خايفه منو...مش عارفه اعمل ايه...





روحت البيت...دخلت اوضتى...قفلت عليا الباب

وانا رايحه للسرير...لاحظت حاجه رعبتنى...واتمنيت اموت لحظتها...

كان فى جزء من التمثال على الكمودينوا

ايه اللى جابه هنا...انا لما رميت التمثال...رميتوا على الارض

بعيد عن الكمودينوا...ليه الجزء ده على الكمودينوا...

وقتها اتاكد ان بابا عرف كل حاجه...اكيد من خوفى مختش بالى من الجزء ده وانا بلم التمثال...

واكيد بابا شافوه ورفعوا من الارض وحطوه على الكمودينوا...

وعشان كده جه ورايا

عدت ساعه وبابا لسه مرجعش البيت

انا خايفه موت... مش عارفه اعمل ايه...ولا مصيرى هيبقى ايه...

مسكت الموبيل...اكلم تقى...يمكن تنسينى الرعب اللى انا فيه

بس للاسف موبيلها كان مقفول...ومن غير ما احس اتصلت باحمد...

احمد : الوو......

انا : احمد...انا روزى

احمد : ازيك يا روزى...فى ايه مال صوتك

انا : انا خايفه

احمد : من ايه...خير...فى حاجه خصلت

انا : بابا هيقتلنى

احمد : يقتلك!!!...اهدى بس...ليه بتقولى كده...ده والدك هيقتلك ليه...

انا : انا متاكده ان بابا هيقتلنى

احمد : ايه اللى حصل عشان كل ده...اهدى واحكيلى

حكيتلوا على الحلم...والتمثال...على كل حاجه...





انا : خايفه موت...عاوزه ادعى لبوذا عشان يحمينى...لكن مش قادره...

انا كسرتوا...اكيد مش هيستجبلى

وسكتنا للحظات...قطعت سكوتنا بطلب غريب...

انا : ينفع يا احمد تدعيلى ربك يمكن يساعدنى

احمد : اكيد ينفع...اهدى انتى بس وان شاء الله الحكايه دى هتعدى على خير...

انا : انا هتقول ايه لربك...قولى عشان اقولوا معاك...

حساه استغرب من طلبى ده...انا استغربت...

انا ليه هدعى لاله مش بامن بيه...

بس لانى كنت خايفه...كنت مستعده اعمل اى حاجه وخلاص...

قالى شوية كلام...مره بالعربى...ومره بالانجلش

مش فاهمهه معناه...بس قعد اردتوا لحد ما نمت...



يتبع...