الفصل السادس

عدى اسبوعين ولسه بحلم بنفس الحلم
وفضلت تزيد تساولاتى
ليه لسه بحلم نفس الحلم...الحكايه خلصت... وعدت على خير...
ليه الحلم ده ملزمنى...انا تعبت منوا...
خلال الاسبوعين اشتريت كتب كتيرعن الاسلام
على الرغم من ان الكتب كانت كتيره وكبيره...الا انى محستش بملل من قريتها...
غير كده فهمت حاجات كتيركان احمد واهلوا بيعملوها
زى ليه بيصوموا...بيقولوا ايه فى صلاتهم...يعنى ايه حجاب...
وحاجات كتير...وحسيت ان قربت من احمد واهلوا اكتر...بفهمى لدينهم...


من ضمن الكتب اللى عجبتنى...كتاب كان بيتكلم
عن كل القصص...اللى وردت فى كتابهم المقدس "القران"...
فى قصتين استوقفونى
الاولى بتكلم عن واحد جمع جيش...عشان يهدم بيت المسلمين المقدس"الكعبه"...
لكن رب الكعبه حماها...وبعت طيور ترمى الجيش بالنار...لحد ما ابادت الجيش كلو...
القصه التانيه عن نبى اسموا ابراهيم...كان اهله بيعبدوا الاصنام...
فكسر كبير اصنامهم...مقدرش الصنم يحمى نفسوا...
الناس قرروا انهم يحرقوا النبى...لكن رب ابراهيم حماه من النار...
القصتين دول خلونى اتسائل
ليه بوذا محماش نفسه...ليه مأذنيش قبل ما اكسروا عشان مكسروش...
الصنم محماش نفسه لما النبى ابراهيم كسره...ورب ابراهيم حمى ابراهيم من النار...
بوذا محماش نفسه لما انا كسرتوه...وانا اتحميت من عقاب بابا...
ومش بوذا اللى حمانى منوه...
فجأه لقيت نفسى بسال
هو مين صح...انا ولا المسلمين...
مين الاله...رب المسلمين...ولا بوذا...


رحت اوضة المعبد...ووقفت قدام بوذا...وبدات اكلموا...
يترى انت فعلا الاله...لو كنت اله محمتش نفسك ليه...
لو كنت انت اللى حمتنى من بابا...حميتنى ليه...معقبتنيش ليه...
انا لو كسرتك دلوقتى...هتحمى نفسك...ولا هتوقف عاجز...
هتحمى نفسك منى...ولا هتستنى بابا يحميك منى...
بصيت للارض لحظات... وبعدين رفعت عينى... وقولتلوا بقوه وثقه..
"انا رايحه اكفر بيك...لو انت الاله فعلا... امنعنى"
مشيت خرجت من البيت...اتوجهت للمسجد...اللى المسلمين بيصلوا فيه...


وقفت قدام المسجد اتامله...استنيت حاجه تحصل...تمنعنى ادخل المسجد...
لكن مفيش حاجه حصلت...بوذا مش قادر يمنعنى... من دخول المسجد...
وانا واقفه...افتكرت بابا...انا لو دخلت المسجد...
اكيد هيعرف...واكيد المرادى هيقتلنى...انا تفكيرى مشوش...
اكيد اللى بعمله ده...ناتج عن التفكير المشوش...انا هرجع البيت...


وانا جايه امشى...سمعت صوت من ورايا... بيقول يا انسه...
لفيت وشى...لقيت واحده نازله من المسجد...ماسكه فى ايديها طفل رضيع...
وبالايد التانيه بتجر عربية اطفال مقفوله...
بصتلى وابتسمت...وطلبت منى امسكلها طفلها...لحد متفتح العربيه وتحطوه فيها...
مسكتلها الطفل...وبعد ما حطتوه...بصتلى وابتسمت...شكرتنى ومشيت...
حسيت وقتها...ان الواحده دى اتبعتتلى عشان ممشيش...
اكيد مش بوذا اللى بعتها...
انا هدخل المسجد

يتبع...