المشاركة الأصلية كتبت بواسطة: rose عار علي الجيش المصري- الي كان عظيم في يوم من الايام و ولت خلاص للاسف-المنظر ده و مش بس ده لكن عار عليه كل الي بيحصل مش عند مجلس الوزراء بس لكن في محمد محمود كمان و كان قبل كده التحرير و الانقسامات بين طوائف الشعب كافة و المجرمين اللي لسه في اماكنهم و المحاكمات العسكرية و فقأ الاعين و وزارة الداخلية الي بقت اصعب من الاول و مقضينها بلطجة و الوزراء المرفوضين تماما و مازال متمسك بهم و التعنت الرهيب في تسليم الشرطة لانهم خايفين يتفضحوا
مش شايفة ان في مجال للخبطة او الحيرة في مين المخطئ يعنى الصور بتعبر و البنات بتتعري و الشباب بيتسحل و الاطفال بتضرب حتى الموت و العجائز تجر من شعرهم و دول لسه بيناقشوا و بيدافعوا و يقولوا مش عارفين من البلطجي و مين الصح !!!و اهالي الشهداء الذين لا حول لهم و لا قوة و الرد عليهم بيكون الضرب المبرح و الداخلية اللي مازالت مصممة في سياسة الداخلية اسياد الشعب !!!امال هما ناويين ياخدوا قرار امتى و يفتحوا عينهم علي الحقيقة و يبطلوا خوف من فكرة الثورة ؟؟؟
و ليا تعليق لmoustafa refaat الموضوع ده يا مصطفي لمناقشة صورة ان دلت على شئ فبتدل على جرم حاصل في حق الشعب مش بس الثوار حتى و ان كنت مختلف معهم و حط في دماغك ان صورة البنت دي كان ممكن يبقي مكانها اي بنت تخصك تخيل بس هيكون رد فعلك ايه ؟؟هتاخد الموضوع بالعقلانية دي ولا هتبقي عايز تاخد حقك بايس طريقة ؟؟و ليه بترد على الصورة بالفيديو ده له مش سمعت للثوار اللي طفوا النار بانفسهم و بيلقوا القبض على البلطجية و يسلموهم الا ان كنت عايز تقنع نفسك باي طريقة ان الي هناك مجرمين و بلطجية و الجيش و الداخلية دايما على حق ساعتها هيبقي كل الكلام و المناقشة مش هيكون لها لازمة لان لو كنت لسه مش عارف هما على حق و لا طول السنه دي يبقي خلاص انت كده تبقي خدت قرارك ....طبعا المناقشة دي بين اخوات مش حاجة شخصية و انما من باب المناقشة

مصدر الموضو اللبع : قوات الجيش المصري تعري فتاة في الشارع - لقطة قريبة جدا - منتديات كويك لووكm

طبعا عار عشان المفروض ان الكبير هو اللي يتحمل المسئولية ... وانا دايما بلاحظ ان اي مصيبة من السهل جدا يتهموا بيها الثوار ويدخلو محاكمات عسكرية فوري ولكن من رابع المستحيلات اثبات ولو حالة واحدة علي متورط او مسئول من المجلس او الشرطة وزي مايكون في لهو خفي بيجي من عالم خاجي في الفضاء الخارجي ويعمل عملته ويخلع ... والدولة بكل مقوماتها لا تستطيع اثبات شئ ..دي مصيبة