من الجميل ان الانسان يكون علي خطي ثابتة ومتزنة في التفكير
من الجميل ان الانسان يكون مقتنع بمبادئ وقيم اخلاقيه في التعبير او الحوار

بس الاجمل ان يكون الفكر والراي ملامس للواقع
ان يكون فكرا مرنا قابل للتغير اذا شــــابه اي خطأ.
وان يكون علي دراية بكل الاتجاهات .....
ولا يقتصر حديثي عن اتجاه معين فقط لاقتناعي بيه او للعمل علي تحقيقة ايا كان .

اقتبـاس ،، و ليا تعليق لmoustafa refaat الموضوع ده يا مصطفي لمناقشة صورة ان دلت على شئ فبتدل على جرم حاصل في حق الشعب مش بس الثوار حتى و ان كنت مختلف معهم و حط في دماغكان صورة البنت دي كان ممكن يبقي مكانها اي بنت تخصك تخيل بس هيكون رد فعلك ايه ؟؟هتاخد الموضوع بالعقلانية دي ولا هتبقي عايز تاخد حقك بايس طريقة ؟؟

اولا بالنسبة للفديو ..... وحتي لا يتم خلط الاوراق !!

لا يوجد اي مبرر لاهانة كرامة اي انسان لايا كان السبب
وليس من الشهامة و النخوة التي انفرد بها المواطن المصري عن اي مكان ان يحدث مثل ذلك الاعتداء
ومن الطبيعي ان يكون رد فعلي غير متوقع !

اقتبـاس ،، و ليه بترد على الصورة بالفيديو ده له مش سمعت للثوار اللي طفوا النار بانفسهم و بيلقوا القبض على البلطجية ويسلموهم الا ان كنت عايز تقنع نفسك باي طريقة ان الي هناك مجرمين و بلطجية و الجيش و الداخلية دايما على حق ساعتها هيبقي كل الكلام و المناقشة مش هيكون لها لازمة لان لو كنت لسه مش عارف هما على حق و لا طول السنه دي يبقي خلاص انت كده تبقي خدت قرارك ....طبعا المناقشةدي بين اخوات مش حاجة شخصية و انما من باب المناقشة

وبالنسبة لردي السابق ... فببساطة وللتركيز .....
دائما في اي تعليق حتي ذلك التعليق ما احترم تلك الوقفات المحترمة التي لا تسمح بفرصة لدخول عنصر اخر
ودائما اكرر كلمات روتينية او ما يدل عليها في اي شئ يتعلق بالثورة وما بعدها
حتي وان كان تعليق بسيط, عن احترام الثوار ومبادئهم وما يحدث حاليا من وقفات حتي وان كان هناك اختلاف في الراي
واعتقد اني فصلت بين معني البلطجي والثائر.

اقتبـاس ،، عار علي الجيش المصري- الي كان عظيم في يوم من الايام و ولت خلاص للاسف-المنظر ده و مش بس ده لكن عار عليه كل الي بيحصل مش عند مجلس الوزراء بس لكن في محمد محمود كمان و كان قبل كده التحرير و الانقسامات بين طوائف الشعب كافة و المجرمين اللي لسه في اماكنهم والمحاكمات العسكرية و فقأ الاعين و وزارة الداخلية الي بقت اصعب من الاول و مقضينها بلطجة و الوزراء المرفوضين تماما و مازال متمسك بهم و التعنت الرهيب في تسليم الشرطة لانهم خايفين يتفضحوا
مش شايفة ان في مجال للخبطة او الحيرة في مين المخطئ يعنى الصور بتعبر و البنات بتتعري و الشباب بيتسحل و الاطفال بتضرب حتى الموت و العجائز تجر من شعرهم و دول لسه بيناقشوا و بيدافعوا و يقولوا مش عارفين من البلطجي و مين الصح !!!و اهالي الشهداء الذين لا حول لهم ولا قوة و الرد عليهم بيكون الضرب المبرح و الداخلية اللي مازالت مصممة في سياسة الداخلية اسياد الشعب !!!امال هما ناويين ياخدوا قرار امتى و يفتحوا عينهم علي الحقيقة و يبطلوا خوف من فكرة الثورة ؟؟؟

*نتفق جميعا بان "أخوتي " ممن ينتمون للجهه العسكرية بما فيها من قيادات او عسكر
قد اخطات في العديد من المصائب التي مرت ولا تزال تمر بالبلاد

*كما نتفق علي استخدام ذلك اللفظ بان "" قله "" ممن ينتمون لذلك الجهاز الامني
قد اخطأ في حق كرامة المواطن المصري

ومن المؤكد ان دائما بين تلك الصفوف البراقة ممن يطالبون بحقوقهم او غير ذلك باحترام
دائما ما تختبئ "اشخاص" لا ينطبق عليهم اي مصطلح غير بلطجي
وخير دليل ما حدث في التحرير ما بين الثوار والباعة الجائلين وما بينهم من بلطجية


وللاسف لا نستطيع ان نتفق بان كل مصيبة لايا كان السبب ....كانت نتيجة لتلك الجهه
ولكن للاسف حكم عليها ان تتحمل نتيجة حماس وامال شباب ورجال ذلك الوطن
لتستمر في موقف الدفاع الدائم عن كيانها المتماسك او دفاعها عن كرامتها بجانب دفاعها عن الوطن