[CENTER][color=#ff0000][size=4]شكرا مستر ليدر على الرد والتعليق[/size][/color]
[size=4]أولا بالنسبه لجزء أم خالد سعيد اللى أنا قلته ده هو أن عم خالد سعيد على قناه الجزيره مصر قال أن المرسى أقرب ليهم عن شفيق بس ن ناحيه المقاطعه فده أنا مش متأكد منه بس أنا افتكرت لما هو قال كده أنه مؤيد للمرسى فى جوله الاعاده[/size]
[size=4]وبالنسبه أن الاخوان ملهومش الا مصلحه الجماعه فده تمام فعلا وفعلا مش بيدورا الا على مصلحتهم وكانوا طماعين فى السلطه وحاولوا يسيطروا على حاجات كتير وفى التاسيسيه للدستور كان ليهم أخطاء فادحه وخلال الفتره الانتقاليه أنا قلت فى ردى كان ليهم أخطاء فادحه أنا مقلتش أنهم مغلطوش[/size]
[size=4]وفى فرق بينهم وبين الحزب الوطنى منعا للخلط هو أن الحزب الوطنى كان بيوصل بالتزوير أما هما وصلوا باراده الشعب فى انتخابات مجلس الشعب والشورى وأنا كنت ضد أنهم ياخدوا نسبه كبيره تصل ل 47% بس اللى حصل أن أغلبيه الشعب اختارهم فده شىء من الديمقراطيه لازم نستوعبه ونعيه طالما مكنش فى تزوير[/size]

[size=4]ومينفعش نتهم أن الاخوان ساعدوا فى تهريب الأمريكان وهما ما شاركوش فى كده وكانوا ضد ده والاخوان نفوا الكلام ده أكثر من مره وكانوا طالبين استجوابات فى مجلس الشعب بس للاسف المجلس العسكرى وحكومه الجنزورى كانوا بينفذوا بس اللى هما عايزينه ومجلس الشعب المنتخب من قبل الناس لم يكن له أى قيمه [/size]
[size=4]والجنزورى اللى فى أول يوم لاجتماع مجلس الشعب محضرش فى مجلس الشعب وكان من الواجب حضوره[/size]
[size=4]وللاسف الاخوان ايدوا حكومه الجنزورى فى البدايه وده لوحده خطأ فادح وانقلب عليهم بعد كده فى كل حاجه واحنا كلنا شفنا كده وأنا شايف أن حكومه عصام شرف كانت أرحم من حكومته وكان من النتائج حل مجلس الشعب وأن المجلس العسكرى استعاد السلطه التشريعيه مره تانيه وكل ده ضحك على الشعب[/size]

[size=4]وبالنسبه لسعى الاخوان للرئاسه فده هدف ليهم منقدرش ننكر كده بس هما فى البدايه حاولوا يرشحوا واحد مدنى مستقل ميكنش من الاخوان زى المستشار حسام الغريانى أو حسن منصور ولكن فى الاخر كلاهما تأسفا ورفضوا الترشح ولم يبقى لهم خيار سوى أنهم رشحوا خيرت الشاطر ثم مرسى وكانوا رافضين تماما ترشيح أبو الفتوح لما حدث من خلافات بينهم[/size]

[size=4]وللاسف أنا ملقتش الاخوان بس طماعين فى السلطه بس لقيت برضه السلفيين كان نفسهم يبقى حازم صلاح موجود وأنه يكسب ولما خرج نسبه كبيره من السلفيين مشاركتش فى الجوله الاولى وأنا متأكد من كده وفى الأخر تطلع الجماعه الاسلاميه تعتذر على أنها وأن السلفيين معرفوش يايدوا أبو الفتوح كويس وكان السبب الحقيقى أن فى نسبه منهم ما شاركتش وفى الأخر اضطروا غصب عنهم يشاركوا فى جوله الاعاده خوفا فقط من فوز شفيق[/size]
[size=4]ونفس الموضوع لابو الفتوح وحمدين صباحى معرفوش يوحدوا نفسهم على مرشح وكل واحد فيهم عايز هو اللى يكسب وكل واحد يقول سنحسمها من أول جوله وفى الأخر هما الاتنين حسموها من الجوله الأولى وخسروا بكل أسف[/size]
[size=4]ووصل شفيق بس اختيار سىء من الشعب لأما بالتزوير لأما باختيار شعب ندل[/size]
[size=4]وانا شايف أنه كان بالتزوير وكان نفسى الاخوان يقاطعوا الجوله التانيه وننزل كلنا ثوره من جديد لان مفيش مطلب ليه واحد اتحقق وحق الشهداء مشفتهوش[/size]
[size=4]بس للاسف لما استكمولوا المشاركه قلت لازم أشارك وفى ناس كتير اضطروا يشاركوا خوفا من فوز شفيق ليس الا[/size]
[size=4]وفعلا عند حضرتك حق يامستر أنها مسرحيه هزليه شديده الردائه وأكيد المجلس العسكرى مصلحته أن يبقى ليه مزايا والصلاحيات تكون بايده وفى حاجه أنا كنت حلفت لاصحابى أن شفيق هو اللى هيكسب مش مرسى [/size]
[size=4]والسبب فى ناس من العسكر وناس لواءات ومنهم لواء ليه صله قرابه من والدى قال ده حلم أن العسكر يضربوا تعظيم سلام لواحد مدنى ما بال حضرتك يامستر أنه يكون واحد من الاخوان [/size]

[size=4]والمجلس العسكرى واخد لحد دلوقتى بعد فوز أى رئيس صلاحيات متمكنش الرئيس القادم أنه يعمل حاجه تخليه يبقى منظر فقط ولا ليه أى لازمه والاخوان طبعا رافضين كده وجموع الشعب برضه[/size]

[size=4]بس اللى حصل فى الاخر أن المجلس العسكرى ضحك على الشعب كله ومش هنكر كده وبعد سنه ونص فى الشارع ألاقى كل واحد يقولى مش فارقه معايا يجى مرسى أو شفيق أنا عايز استقرار أقوله وحق الشهداء قالى ياخدوه عند ربنا [/size]
[size=4]للاسف الناس تعبت وزهقت من الثوره وراح من عندهم مفهوم الثوره ومش فارق معاهم شهداء ولا غيره وده بسبب أن فيه نسبه كبيره من الشعب جاهل فعلا واكبر دليل اللى اختاروا شفيق نسبه كبيره من الناس قليله الوعى بحجه عوده الأمن ونسبه أخرى من اصحاب المصالح[/size]
[size=4]وبالنسبه لأن شفيق يرجع الأمن ولا هيرجع أمن ولا حاجه أول حاجه هيعملها أنه هيطلع روح الشعب المصرى واحد ورا واحد وهنكون رجعنا بكده لنظام مبارك اللى احنا أصلا لسه فيه[/size]

[size=4]ودلوقتى الاخوان مش معاهم مجلس شعب ولما تتعاد الانتخابات ياريت يزيد وعى الناس ومش نركز كلنا المره دى على حد معين لازم يبقى فى تنوع خاصه أن الوقت الحالى اختلف عن قبل كده بعد الثوره الناس مش لاقيه أى أحزاب منظمه غير الاخوان والنور ممكن بسبب التنظيم أو عايزيين يجربوا الاسلاميين والدين بس دلوقتى بدأ تظهر أحزاب نفسى تبقى منظمه زى الدستور لسه فى بدايه طريقه بس ان شاء الله مسرته هتبقى كويسه وحزب الوسط كان عجبنى بس المشكله فى الاشخاص اللى رشحوها فى محافظتى كان فى منهم ناس عارفها وأنا شايف أنهم ميستحقوش انهم يتحطوا على اول القائمه وغيره[/size]
[size=4]واللى كسبوا فى المخافظه عندنا مشفتهمش فى مجلس الشعب غير مره واحده يوم حلف القسم بعد كده مشفتهمش فى التلفزيون غير مره واحده كمان فمش هختارهم تانى فى مجلس الشعب [/size]

[size=4]وفعلا يامستر الاخوان خاصه كان ليهم أخطاء فادحه جدا فى الفتره الانتقاليه لا يمكن تخطيها[/size]
[size=4]والثوار كان ليهم أخطاء فى عدم التوحد[/size]
[size=4]بس ربنا يسهل ونعرف نتوحد ونعرف نرجع ثورتنا وهفضل ديما مؤمن بان الثوره مستمره حتى لو معظم الشعب مش بيفكر فى الثوره او حق الشهداء وده اللى شايفه فى الناس فى مدينتى خاصه فأكيد هختار أى طريق فى حياتى أحقق بيه أهدافى ومش هستسلم للواقع المرير الا لما أعرف أوصل لحل أحقق بيه أهدافى [/size]
[color=#ff0000][size=6]وشكرا مستر ليدر على تصحيح الخطأ الذى ورد فى ردى السابق
واشكرك على الاطاله لتوضيح رأيك ووجهه نظرك [/size][/color][/CENTER]