قرات الموضوع كامل وعجبنى بشده طريقه العرض وخاصه طريقه الختام
ميدان التحرير سيظل للابد ميدان الشهداء ميدان الحريه ميدان الشعب
ده الميدان اللى من خلاله أسقطنا نظام أفسد فى البلاد وضيع الحقوق والحريات
ومن الميدان ده مش هنسمح بقيام أى نظام أخر يهدم الحريات والحقوق والعداله أبدا
ولما نجحت الثوره مكنش بسبب مشاركه فصيل معين فقط بس كانت بسبب اراده شعب توحد بس للاسف بعد الثوره انقسم مره أخرى ولم يصمد الا الفصيل الاكثر عمقا اكثر صمودا فصيل بنى كيانه قبل قيام دوله العسكر
وبعد الثوره.... قامت بعض المظاهرات ايضا اللى بعضها كنت بايده وبعضها كنت برفضه كل لعده اسباب
بس كتير جدا كانت مظاهرات فئويه مظاهرات متسمحش ببناء دوله بالعكس مظاهرات تهدم دوله
كل فئه لها مطالب وبتشعر بالظلم منذ النظام البائد ودلوقتى كل فئه نفسها تكون أول فئه تحصل على حقوقها مفيش عند حد صبر رغم بناء الدوله لتصبح دوله ذات كيان اقتصادى قوى هيحتاج على اقل تقدير 4 سنين
ولازم كلنا نشتغل ونبنى مش نتكلم وخلاص ده وصلت لدرجه ان احيانما البلطجى بيلوم مصر والشعب ومش بيلوم نفسه وصلنا لدرجه كل واحد يلوم التانى ويدور على عيوب التانى قبل ما يشوف عيوبه الاول
واللى يطلع يقول نهدم الاهرامات وأبو الهول ويحسسنى أنى قاعد فى ايام كفار الجاهليه .... وهو اصلا شبه ابو جهل
مصر لكل المصريين وستظل كذلك للأبد
مصر دوله الدين الاسلامى دوله الدين الوسطى المعتدل الذى يدعو للدوله المدنيه العادله
واللى يطلع يقول نغير العلم ونرجعه زى علم الدوله الملكيه واللى يقول نخليه زى علم السعوديه واللى يقول نشيل النسر ونحط كلمه لا اله الا الله
وبيهتموا بالشكليات فقط ....طب ليه مش نعمل بجد واجتهاد وعلمنا زى ما هو ونجعل كلمه لا اله الا الله فى قلوبنا وفى عملنا
إن الله لينصر الدولة العادلة وإن كانت كافرة على الظالمة وإن كانت مؤمنة.
من ناحيه المظاهرات اللى تمت عند بعض السفارات واللى مصريين كانوا بيضربوا مصريين وقمه السذاجه فعلا
نسوا أن الشرطى أو الجندى اللى واقف أنه مصرى زيهم بس بيادى واجبه بحمايه اى مبنى او اى منشأه على ارض مصر
فعل ايه اللى حصل!!!!
كل مجموعه من عشر اشخاص ينزلوا يقولوا هنعمل مليونيه وهما مكملوش 100 واحد اصلا
لازم نفوق ونبينى لغد افضل علشان جيلنا الحالى وجيلنا اللى جاى يتكلم ويستشهد بينا فى كلامه ويبقى لينا قيمه
طول عمرى كان نفسى أحس أن مصر لها وجود وتأثير عالمى يتعمل ليها الف حساب مش مجرد موقع على خريطه
التقدم محتاج صبر وعمل وجد واجتهاد وتضحيه علشان الوطن
شكرا يامصطفى على الموضوع
[5]
ايــــــه اللي حـــصل !!