أولا أشكرك يا رحمة ع الموضوع الجميل والفكرة الأجمل دى ..

ثانيا وعن نفسى أنا شايف إنى أدفع كتير وكتير اوى عشان أتعلم حاجة جديدة فى مجالى اللى بحبه جدا وهو الهندسة الالكترونية .. وده بيحتاج معاه أدوات كتير منها لابتوب وبعض الأدوات والمكونات الإلكترونية وهكذا .. بالنسبالى دى الأولوية الأولى للإنفاق فى الفترة دى بالنسبالى ..

الأولوية اللى بعدها زى ما هانا قالت مسالة الباترينة (أو الفاترينة) الاجتماعية زى ان الواحد يبقى لابس شيك وراكب عربية شيك ومعاه موبايل شيك وكدة .. بس مش ابدا عشان لما حد يسالنى انت بتشترى منين لا عشان اكون مظهرى كويس ومناسب ادام الناس واحب ااكد على ان ممكن الواحد يكون شيك بهدوم رخيصة وممكن يكون شكله مبهدل بهدوم غالية ومش مكوية مثلا او الوانها مش متناسقة ..

ده ف وقتنا الحاضر .. بعدين ممكن يكون فى ظروف تانية تخلى الواحد يغير اولوياته دى ..

وشكرا ع الموضوع يا رحمة ..