ذكرياتي مع الاكل
....................
الحمد لله محدش يقدر ينافسني في الاكل او في حبي في عمايلة
ومع الاكل بالذات ذكرياتي عادية خالص جربت اكل اصناف كتير منها التقليدي المصري
ومنها التقليدي بس معمول بشكل جديد ...وكتير منها اصناف انا ماعرفهاش ومش مصرية

ومن ذكرياتي

***كنت مرة مسافر وحبيت ادخل مطبخ المكان اللي انا فية واساعد واشتغل مع الناس وكدة
الصراحة قلت لماما قالتي انت حر اعمل اللي انت عايزة
فاخذت الخطوة الجريئة ورحت لل (chef) وطلبت منة اني اساعدة والصراحة كان راجل زوق المهم
دخلت وساعدتة واعدت اعمل معاه (السلطة) وجهزت الاطباق وحبت حاجات...
وقلت بالجملة بقي .....رحت اساعدة واللي معاه وهما بيقدموا الاكل
مش عارف بس انا لاحظت ان الناس كانت مستغربة بس انا شايفها عادي محدش ليه حاجة عاندي
وكانت بجد تجربة جميلة ويوم جميل

....,,,,.......................

***لو سافرت الصعيد (الاقصر او اسوان او قنا ....) لازم تجرب طبق الكشري من هناك اوعي تنسي انا معرفش السبب اية بس هي عادة والصراحة هو طبق جامد بس خلي بالك ماتكترش الشطة

**انا حاسس ان انا ممكن اطول عليكم بس اعمل ايه لسة في ذكريات كتيرة جدا عندي للاكل يعني انا مرة تهت بسسب الاكل ومرة اكلت من غير نا اعرف حلويات وفيها نسبة ضئيلة من االكحوليات بس نكمل بعدي

مستني ذكرياتكم

ذكرياتي مع السقوط....! السقوط الحر في مرة كنت مسافر مع اصحابي فكنا في مكان مش فاكر اسمة والله بس هو كان مجري نهر منحدر (شلال اندفاع المياه فيه متوسط) فانا لقيت حجر كبير ممكن اوصلة بسهوله فقلت اخد عندة صورة فرحت انا وصاحبي واديت الكاميرا لزميلة لينا وبعد ما خلصت هو قام وعدي بس انا الظاهر كدا اني (الكوتشي كان بيزحلق) لسة برفع رجلي وما اولكوش علي اللي حصل كملت الطريق بهدومي كلها ماية مبلولة ولغاية ما وصلت للاتوبيس وطلعت طبعا اعدت متلج بالتكييف اللي كانوا مشغلينة وحظي ان دا كان اخر حاجة في البروجرام.
............................................
ومن ذكرياتي في السقوط بس مش الحر كنت مرة في الوادي الجديد وكنا مسافرين رايحين (عيون المياة الكبريتية) فانا اتفقت مع اولاد خلاتي ان احنا ننزل الماية مفيش مشكلة بس بعد كدة رجعت اولتلهم لا احنا نحط رجلينا بس ورحنا علي اساس كدة ونزلنا (كان نظام حمامات سباحة تدفق فيها المياه الكبريتية) وحطينا رجلينا وبعد شوية بردوا ماقولكوش علي اللي حصل انا لقيت اللي بيشد في رجلية وعايز ينزلني بهدومي والله انا فاكر الحوار دة بالزات اعدت اقول (يا عموا ابراهيم والله ما عايز انزل ......طيب اوك هنزل بعد شوية وهو يقولي لا هتنزل طيب اقوم اغير هدومي يقولي لا ماتحاولش هتنزل يعني هتنزل) لغاية ما استسلمت للامر الواقع وطبعا شدني بهدومي في الماية وطلعت بعد ما شدني غيرت هدومي وغسلتها سريع وسبتها علي اساس انها تنشف بس للاسف بردوا روحت وهدومي كلها ماية والتكييف بتاع الاتوبيس كان المرة دي عامل شغل اجمد بس كانت ايام جميلة
ياليت الشباب يعود يوما