اقتبـاس ،، بواسطة ::emadelmansy ::

مع أحترامى لكل الأراء
لكن هناك رئي شخصيى لى أنا ممكن يكون خطأ بنسبة 100% ولكن لوحظت أن معظم الردود أو معظم الناس فهمت أنه أذا تقابل ولد وبنت على الماسنجر فهذا يعنى أنه سوف يتم على هذه المقابله شيئ غير مرغوب به فى مجتمعا وطبعا ده بيحصل بس لناس معينين مين هما الناس دول اللى بيسمحوا لأنفسهم أن يقبلوا دعوه على المسنجر من شخص مجهول لا يعرفونه اطلاقا ولكن أذا كانت الدعوه من شخص معروف عنها الأحترام والأدب والأمانه فى القول والعمل فلا مانع أطلاقا من الحديث مع هذا الشخص وربما معظمنا على تواصل مع بعضهم البعض عن طريق المسنجر وذلك فى حدود الأدب واللأباقه والأحترام ولكن أذا كان الأمر كما يتصوره البعض أنها عباره عن دردشه وكلام فى الفاضى وقلة قيمة والد** فى مهاترات فأنا أرفضه تماما تماما تماما
شكرا مدام رحمه على الموضوع الشيق للنقاش ولى عوده أخرى
بواسطة :: leader :::
سلام عليكم
وانا سعيد جدا لمشاركتي للمرة الثانية في هذا الموضوع ...
طبعا انا قلت رأي قبل ذلك في مشاركة سابقة ولكن ازيد هذه المرة موجها كلامي للاخ عماد

ولكن أذا كانت الدعوه من شخص معروف عنها الأحترام والأدب والأمانه فى القول والعمل فلا مانع أطلاقا من الحديث مع هذا الشخص


من هو الشخص المحترم ؟ هل هو قريب لها ويحق له محادثتها ام صاحب عمل يقتضي الامر محادثة عامليه علي الماسنجر ؟ اذا كان كذلك فالامر لا بأس به ..
يعني يا عماد لو لك اخت هنا في المنتدي وطلب منها عضو المحادثة علي الماسنجر فهل الامر بالنسبة لك عادي؟ ثم ان هذا الشخص المحترم لو عنده اي كلام لاي احد فممكن يقوله علي الملأ او في رسالة خاصة طالما الامر لا يستدعي حوارات طويلة ...
ثم يا اخي بعيد عن اي سوء نية فنا لا اري ضرورة لاضافة اي فتاة ومحادثة شاب لا تعرفه علي الشات طالما لم يوجد ضرورة ملحة لذلك كما ذكرت سابقا ...
يعني مثلا زي الوقت احنا بنتكلم اهه علي صفحات المنتدي وامام الجميع فهل هناك ضرورة وهل سيختلف الكلام علي الشات الخاص عن ما هو عليه الان؟
وطبعا يا عماد الخلاف في الرأي لايفسد من ود أي قضية لكن حبيت اوضح وجهة نظري وشكرا لكم علي سعة صدركم
بواسطة ::أبو تريكة ::
انا مع عماد فى رأيه وبحترم رأيه جدا جدا جدا وانت دايما حكيم فى اراءك يا عمده

ووجهة نظر ليدر تحترم برده والاختلاف فى الرأى لا يفسد للود قضيه .
بواسطة :: moustafa refaat ::
منورين بجد الموضوع
شكرا (أ/رحمة) للمرة التانية لان حضرتك فعلا تستطيعين اقتناء الواضيع التي تفتح الحوار بشكل حر
..........................................
وزي ما انا قلت قبل كدة ووضحت راي من حيث كلام الولد مع البنت
يعني ليه اضافة جديدة تعليقا علي الردود الجميلة وفي عجالة سريعة
انا ارفض تماما حديث الشاب مع الفتاه علي الشات (الشات المفتوح) كما وضحت من قبل
وكما وضحت فانا لا اجد اي مانع من حديث الشاب مع الفاتة سواء علي الايميل او الفيس بوك او اي اختراع اخر
بشرط انه يكون هناك معرفة مسبقة اعرف شخص وجها لوجه
فلا هناك مانع من الحديث مع الفتاة بشكل عام سواء حديث عمل او زمالة او اصدقاء بشرط ان الكلام لا يتعدي حدودة
وهذا ما اؤيدة
بواسطة ::أبو تريكة ::
وانا معاك برده يا مصطفى وباؤيد رأيك الرائع وعاجبنى حواركم جدا واكيد الواحد بيطلع بنتيجه وبيستفاد من الاراء دى
وانا معاكم وبرفض فكره مواقع الشات وبحث اللى بيدخلوا هذه المواقع على عدم د**ها مره اخرى
بس انا بختلف معاك يا مصطفى فى نقطه صغيره
انا شايف ان الفيس بوك زيه زى مواقع الشات دى ومش بيفرق كتير وانا بكره اوى اوى اوى اللى بيدخل الفيس بوك ده ويسجل فيه
بس طبعا فيه ناس بتدخل غلط ومش بتعرف تطلع منه زى سمر وفيه ناس بتستخدمه استخدام سليم
انما برده الفيس بوك ده حاجه مش كويسه ولا محترمه ابدا ابدا وفيه ناس بتدخل تضيف بنات وبنات مش محترمه بتدخل تضيف ولاد وانا بجد بحتقر الفيس بوك ومواقع الشات دى .
بواسطة :: shimaa ::
موضوع رائع اوى ميس رحمة
....

بس انا عايزة اوضح حاجة
ان الفيس بوك زيه زى اى حاجة
فى الحلو و فى الوحش
و الشخص هو اللى بيختار حسب تربيته و شخصيته

يعنى حتى كويك لوك ممكن حد يستغله مش كويس بطرق كتير اووى

يعنى فى الاول و الاخر اهم حاجة الشخصيه و تربيتها

وانا طبعا برفض الشات اللى على اى موقع ده
لان 99.9% بيبقى تسالى و كلام فارغ و حاجات تانيه

و بالنسبه لموضوع الكلام عالميل و كدة
اعتقد مفيش مانع لما يكون بعلم الاهل (بكل حاجة بتحصل ) و فى حدود الادب و الاحترام و الدين
بس طبعا مش اى حد .....
بوايطة :: سمر عزو ::
يا جماعة انا معاكم كلكم فى لرائكم و برفض الشات و الفيس بوك نهائيا حتى الحديث بين الولد و البنت لو تعدى حدود الادب حتى لو بعلم الاهل لان اعوذ بالله فى اهالى موافقة ان بناتها تعمل كدة لازم الحديث بين الولد و البنت يكون فى حدود و الكلام لا يتخطى الحدود بس الشات مرفوض نهائيا نهائيا و على رائى تريكة الاختلاف فى الراى لا يفسد للود قضية

اقتبـاس ،، بواسطة :: emadelmansy ::
سلام عليكم
أستاذى ليدر شكرا جدا على أبداء رئيك الممتاز ولكن تقريبا انا كلامى واضح وليس به أى غموض أنا قلت بالحرف الواحد الأتى أذا كانت الشخصية التى قامت بالدعوى لى على الماسنجر ومعروف عنه الأدب والأحترام فى القول والعمل فلا مانع أن يتم الأضافه فطبعا من كلامى يتوجب على كل من يقرئه أنه هذا الشخص ممكن يكون قريب ممكن يكون زميل ممكن يكون أحد رواد منزلى ممكن يكون مدرس ممكن يكون صاحب منتدى وعنده مشرفين فى المنتدى من بنات وشباب ممكن يكون من ضمن المضافين عنده فى الماسنجر


وأرفض أساسا دخول أختى على ماسنجر أو منتدى حتى لو كان تعليمى لأنه من السهل أن يصل لها من أى شخص رساله على الخاص وتحمل عبارات غير لائقه طبعا مع أحترامى لكل من فى المنتدى واكيد حضرتك ياليدر تعرف ما هى عواقب وصول رساله غير لأئقه لبنت خاصتا أذا كانت فى سن الزهور

وطبعا أرفض وجودها فى غرف الشات لما فيها من قذاره وقلة أدب وتقريبا غرف الشات لها ناسها ومش كل واحد بيدخل الشات رووووم وطبعا كلكم هنا اخواتى بس انا تقريبا أرفض وجود البنت فى الساحات الألكترونية ودى وجهة نظر ولكل واحد فينا وجهة نظر والأختلاف فى الرئي لا يفسد للود قضية
( فى هذا المنتدى قرئت فىهذا المنتدى من يقول فى بعض ردوده على البنات كلمة حبيبة قلب ووحشتنى جدا ووحشتينى يا فلانه وطبعا دى بالنسبة لى أنا فهى ألفاظ خارجهورمضانكم مبارك ان شاءالله
بواسطة ::أبو تريكة ::
[/font]
( فى هذا المنتدى قرئت فىهذا المنتدى من يقول فى بعض ردوده على البنات كلمة حبيبة قلب ووحشتنى جدا ووحشتينى يا فلانه وطبعا دى بالنسبة لى أنا فهى ألفاظ خارجه


[font=Arial]طيب متظلمش كل الناس اللى فى المنتدى ومتظلمش المنتدى يا عمده
والله العظيم انا الوحيد اللى فى المنتدى اللى بقول الكلام ده سواء حبيبة قلبى او اختى حبيبتى او وحشتينى وحشتنى فلانه واللى انت بتعتبره ( الفاظ خارجه ) بس انا بقول الكلام ده و ( الالفاظ الخارجه ) دى على حد تعبيرك على اعتبار ان دول اخواتى بالظبط ولا اقصد بها اى شيئ خاطئ او خارج عن الادب
وبعدين انا لما بقول الكلام ده المفروض واكرر المفروض ان انت عارف وسام ده كويس وعارف انه انسان محترم ومؤدب وان دول اخواته وانهم محترمين ومؤدبين جدا جدا جدا وان الكلام ده لا يقصد به اى شيئ سيئ
بس مش عارف انت فهمت ايه ولو فعلا تقصدنى انا وانا اؤكدلك ان مفيش اى حد بيقول كده غيرى مش عارف ازاى تقول انه كلام خارج او الفاظ خارجه وهل تقصد بذلك انى قليل الادب مثلا مش عارف
وانا مش بتخانق على فكره انا بتحاور معاك والله وبكل هدوء واحب اعرف وجهة نظرك علشان لو الاعضاء فعلا بتفهم الكلام ده غلط يبقى بلاش اقوله
بس كان المفروض انكم انتوا بالذات تفهموا الكلام ده صح لانكم عارفين وسام وعارفين العضوات اللى مشتركه واخلاقهم كويس .
بواسطة :: emadelmansy ::

حبيبي وسام تحياتى القلبية لك يا روح قلبى أنا لا أقصد أن أهينك أو أجرحك أو أغلط فيك أو أقول أن عفوا يعنى قليل الأدب ولكنى أحببت أن أوضح صوره وهذا هو رأئي الشخصي وحبيت أنقل الصورة كى تتضح للكل أنه هناك من يتواجدوا فى منتدى ويتلفظون هذه الأفاظ ويعتبرها الكل أنا من أخ لأخته على حد تعبيرك ولكن ممكن هناك من يستغلها فى عكس الصالح ولكن أنت وكل من فى المنتدى أكن لكم كل أحترام وأدب وأنت يا وسام من أكثر الذين أكن لهم حبا وهذا الكلام من قلبى
تقبل تحياتى يا وسام ويارب تكون الصوره وضحت
بواسطة :: سمر عزو ::
انا عن نفسى لو تسمحولى مش هعلق على اي حاجة غير ان عماد يرفض تواجد البنت على المنتديات لان ممكن شاب يبعت رسالة خارجة احب اقولك زى ما انت كويس و محترم المنتديات التعليمية خاصا فيها ناس محترمة كتير و لو اى بنت وصلتلها رسالة خارجة هتترك المنتدى كلة فانت مش تظلم كل اعضاء المنتديات و الاختلاف فى الراى لا يفسد للود قضية و شكرا
بواسطة ::أبو تريكة ::
عارف يا عمده يا حبيبى انك متقصدش ولو تقصد مكنتش هزعل منك ( كنت هتخانق معاك بس ههههههههه )


كى تتضح للكل أنه هناك من يتواجدوا فى منتدى ويتلفظون هذه الألفاظ
بس ليا تعليق صغير على كلامك يا عمده
ما هى هذه الالفاظ ؟ وهل حبيبة قلبى او وحشتينى او وحشتنى الفاظ خارجه بمعنى الكلمه ؟
هل هذه الالفاظ لم تقولها انت من قبل ؟
هل لم تقول لاختك عند رجوعها من السفر وحشتينى ؟ هل لم تقول عند غيابها عنك عدة شهور وحشتنى اختى ؟ هل لم تقول من قبل اختى حبيبتى وانت جالس فى المنزل فى مره من المرات ؟
اذا لماذا هى الفاظ خارجه ؟
هل علشان دى انت بتقولها داخل البيت والمنزل تبقى صح ودى انا بقولها على المنتدى تبقى خطأ طيب اعزرنى ما هما مش معايا فى البيت ومش لاقيهم غير على المنتدى وبجد انا بقولهم الكلام ده علشان بعتبرهم اخواتى اللى فى البيت والله
اما اذا كان الامر يتعلق بان احد ما ممكن يستغل هذا الكلام لغير الصالح فهذا كما انت لا ترضاه فأنا ايضا لا ارضاه لاخواتى البنات على المنتدى واوعدك انى لن اقول ( هذه الالفاظ ) على حد وصفك لاى اخت او صديقه فاضله فى المنتدى ( هبقى اقولهولك انت بقى )

بس دعنى اتحدث فى نقطه بسيطه واتشاوى معك واخد رايك فى هذه النقطه
هل من الخطأ انى اضيف عماد المنسى او فلانه اللى هما اصدقائى فى المنتدى على ايميلى الخاص لاتحدث معهما واقول لهما هذا الكلام الذى لا يجب ان يقال على المنتدى ، والفرق كل الفرق ان على المنتدى الكلام الذى اقوله يراه كل الناس وزى ما انت قولت فيه ناس ممكن تستغله غلط وفى عكس الصالح انما على الايميل لا يراه غير انا وهو والله عز وجل الرقيب علينا وعلى البشريه بأكملها وكده مش هيبقى فيه من يستغل الكلام الاستغلال الخاطئ
احب اعرف رأيك يا حبيبى ولا بلاش حبيبى ونخليها عمده يا عمده ههههههه .