أنا فاكر الرد ده كان بتاعى على الليدر كان تقريبا عن القبض على اخوان المسلميين وهما خارجيين من صلاه الفجر من جامع التوحيد بالمنصوره بص مش كل واحد مربى ذقنه يبقى متعصب للاسلام والله انا بحس ان فيه ناس عملاها منظر اسف على الكلام ده بس شفت ناس مربيه ذقنها ومش عارفه معنى الاسلام وممكن معندهاش ضمير ودول بيسيئوا للاسلام فعلا وفى ناس متدينه فعلا فى قلبها وبيربى ذقنه وعنده ضمير بس الملاحظ ان كل واحد يربى دقنه يقولوا عليه من الاخوان المسلميين وهو ملهوش دعوه بأى حد ولا اى حزب هو علشان بيتبع كلام الله يقولوا ده اخوانى واحذروا منه؟ وعلى فكره كان فيه دكتور بكليه طب المنصوره طبعا هو أستاذ كبير وشخص فاضل ومحترم ومتدين يعنى بمعنى أصح ناس كتير عرفاه من المنصوره وعارفه سلوكه ومفيش حد ممكن يشك فيه أنا كنت متردد أقول اسمه ولا لا بس لو مستقبلا فى الموضوع ده ممكن أقول اسمه هو كان مترشح تبع حزب الاخوان المسلميين لمجلس الشعب بس مش فاكر الكلام ده كان امتى بالظبط وكان فى السنه دى كان كذا واحد من الاخوان هو اللى كسب فى السنه دى فحبوا يقللوا عددهم وسمعت ان يومها مجموعه من المسؤوليين وكان منهم السيد الفاضل جمال مبارك نزلوا وغيروا فى عدد الاصوات علشان ميزودوش عدد الاخوان اللى فازوا وده مش معناه ان كل تصرفات الاخوان كويسه ولا حاجه انا برضه فى حاجات اكيد مش عجبانى فيهم وبرضه الحزب الوطنى اكيد فيه سلبيات برضه لا تقل عن الاخوان بس مش عارف هو لو الاخوان مره كسبوا لو يعنى هيبقوا عايزيين النظام فى مصر يبقى ازاى ولا القوانين تبقى ايه؟ وهيبقى يعنى ايه هذا هو التغيير هيبقى القصد والفعل التغيير الى الافضل ام لا؟؟؟؟ فى ناس من كافه الاحزاب عايزه توصل للحكم ممكن مش علشان شعب لا علشان نفسهم ومصر أعتقد معدتش مستحمله مساوىء خالص يعنى سوء توزيع الدخل القومى ده كله مشكله كبييييييييره جدا ومش كل واحد ييجى عايز مصلحه نفسه ويعمل غسيل للسمعه بتاعته ولامواله وخلاص . فى ناس بتقول ان مصر هتفضل ام الدنيا وانهم بيحبوا اهل مصر بس مصر محتاجه تقدم وتعليم ويبقى فى حزم وضمير وجديه. مصر من اجمل الدول بس شعبها واهلها هما اللى لوثوها وسببوا مهانه ووافقوا بيها. شكرا مصطفى على فكره موضوعك .