موضوع اليوم الذى اريد ان اعرف فيه اراء الجميع هو يخص شباب وبنات الجامعة
والامر الجامعة مجتمع فيه اختلاط بين الطلبة والطالبات
وهناك من الطلبة او او الطالبات يرفضوا الالتعامل مع الجنس الاخر حتى لو داخل الحرم الجامعى وهناك من هم على اقتناع كامل بين التعامل بين الجنسين فى حدود معينة امر عادى
وانت وانتى مع اى رأى تميلين ؟ وما هى حدود العلاقة بن شباب وبنات الجامعة فى رأيك ؟
موضوع جميل يا ميس رحمة
ولاني اول سنة جامعة لية كانت في محافظة بني سويف يعني تعتبر في الارياف لو صح القول
وباقي السنوات كانت في جامعة القاهرة في الفرق واضح بالنسبة ليه كتير
ففي السنة الاولي عايزة اقولك انا الشباب اللي تعر فت عليهم بصراحة رجالة وكنت بعتبرهم اخواتي مش زملاء وده كان واضح من معاملتهم معانا لاننا كنا مجموع بتسافر مع بعض في القطار وعايزة اقولك افتقدهم ازاي لما اتنقلت لجامعة القاهرة عالم تاني كبير غير العالم اللي كنت فيه في بني سويف ولما شفت الوضع اللي كلنا عارفينه انحصرت معرفتي بالبنات فقط لاغير
فاذا كان التعامل بطريقة دي اللي غير مرضية باي طريقة واحيانا بيبقي فيها تجريح لباقي البنات فانا ارفضها
اما اذا كان تقتصر علي الدراسة والمنفعة وكمان بتبقي بين مجموعة مش مقتصر علي ولد وبنت فقط فالحد ما تبقي مرضية
وعلي فكرة انا ليا زميلة تزوجت من زميل لينا بردوا وعايزة اقولك ان احترمته قد ايه لان عمره ما كان بيتكلم معها لوحديها ولكن كان بيتكلم معها وهي معنا وكانو بيتبدلوا المحضرات وكان بيخاف حد يتكلم عليها كلمة مش حلوة مع انهم كانو مخطوبين بس كان دايما يقول مش كل اللي في المدرج يعرف اننا مخطوبين لان الكلمة بتجرح صاحبها ومع العلم انهم اول مرة يشوفو بعض كانت في الجامعة وهما دلوقتي عندهم سما ربنا يخليها ليهم ويعيشو في سعادة علي طول
وياريت لو كل واحد في الجامعة لما يتعامل مع زميلة ليه يتعامل معها علي انها اخته ويخاف عليها زي اخته واي حاجة تانية تيجي في الشرع وده مش عيب ولا حرام وفي ناس كتير اعرفهم تزوجو ا زميلهم
والبداية كانت زمالة
موضوع رائع ابله رحمه وشكرا ليكى
بالنسبه لينا فى الازهر وبفضل الله مافيش اختلاط يعنى كلية البنات لوحدها وكلية البنين لوحدها وده مطمنى جداااااااا لكن انا لما كنت فى الثانوى كنت بروح دروس سواء فى البلد او بره البلد وكنت بتعامل مع زملاتى الصبيان فى مجال الدرس لان اكتر الدروس كنت بروحها مع صبيان وكنت بكون انا البنت الوحيده والحمد لله شباب زى الورد وما شاء الله عليهم وكانو بيخافو عليا جدا وبيحاولو يخلو معاد الدروس مش بالليل عشانى فكان لازم اتعامل معاهم عشان تصوير المذكرات او تغيير مواعيد الدروس وكلام من ده وانا كنت بتعامل مع اتنين منهم بس واحد كان بيتصل بيا يعرفنىالجديد لكن والله ادام اهلى وهو كمان لما كنت بتصل كنت بطلب اخته الاول حتى لو هو رد عليا ولو اخته مش موجوده كنت بكلمه هو وخلاص لكن برضه ادام اهلى وساعات اخلى اخويا هو اللى يتصل كده يعنى اما زميلى التانى كنت بتعامل معاه فى مكان الدرس يعنى هو اللى بيجى بتفاهم معايا على اى حاجه هم محتاحينها لكن ده بيكون ادام المدرسين ومش بنكون لوحدنا ابدا الا مره وكنت بقفل فى الكلام عشان ده ما ينفعش وهو كمان عارف ان حاجه زى دى غلط والحمد لله انطبعت عنهم بفكره حلوه وعارفه انى لما هاقابل زميلى ده بعد كده صدفه هاكون عارفه انه محترم عشان ما تعداش حدود الزماله وكده فانا شايفه ان التعامل بين الزملاء له حدود ويكون ادام الاهل او المدرسين ومش يتكلمو فى حاجه خارجه عن كده
(ملحوظه ما حدش فيهم خد رقم موبايلى كانو بيتصلو بالبيت وساعات والدى يرد عليهم او امى او كده)
شكرا (أ/رحمة ) علي الموضوع وانا من وجهه نظري ان مفيش مانع باختلاط الشاب والفتاه في الجامعة ولكن كالعادة لكل شئ حدود يعني الحمد لله الواحد قبل الجامعة كان علي معرفة كويسة بالناس سواء ولاد او بنات فميش مشكلة من الاختلاط
بس مع احترامي للجميع (من اللي بشوفة) ما يبقاش الاختلاط ورا عربية في الركن البعيد الهادي او يبقي الكلام خارج عن حدودة فكلام الشاب والفتاه سواء زمالة او اصدقاء بيلتزم بحدود لابد من الحفظ عليها حفاظا علي احترام كلا الطرفين فالواحد زي ما هو ما يحبش ان حد يتكلم علي حد من قرايبة او اخواتة اكيد ما احبش ان حد يتكلم علي اصحابي او زمايلي او اصدقائي.
[1]
بنات وشباب فى الجامعة 
بنات وشباب فى الجامعة 