صدقني يا [you] إنه
يوم لا ينسى
النهارده كان يوم صعب جدا جدا عليا 
...اسوأ يوم من يوم ما رحت هذه الكليه المحترمه
رحت النهارده الساعه 12 و خلصت محاضرات الساعه 4 و كل شيء ماشي عادي تماما
فجأه لقيت زي طوب نازل من السما و الله العظيم زي حصى كبير كدا
تلاته جم على راسي و بعدين اول ما نزلوا على راسي حسيت بميه ساقعه على شعري
و لقيت اللي بيصرخ و يقول ده يوم القيامه و لا ايه يا جماعه 
و فجأه لقيت مئات من هذه الحصى بتنزل من كل مكان ...
كنت فعلا في شارع البحر و ما فيش أي حاجه احتمي بيها خالص العمارات كلها مش بارزه و الشوارع عريضه جدا حطيت الاكلسير على راسي و استنيت حوالي تلت ساعه لحد ما اللي بيحصل ده يخلص .. و البنات حواليا بيصوتوا
.و انا اتابع اكتشفت انا ما كان قد نزل ما هو الا طمي من الثلج ثم تبعه شلال من المطر ... استمر لمده ثلث ساعه غسل بعدها مدينة المنصوره كلها
و لكن المشكله الكبرى اني كنت اعاني من برد شديد و للاسف كنت البس قميص ابيض و بنطلون ابيض و يا ريتني كنت اهلاوي ساعتها....عدى تاكسي من جانبي و و قام مشكورا بعمل دش ساقع جدا انتقاه من التربه التي تزخر بالمياه المختلطه بالأرض على البنطلون اللي كان لسوء الحظ ابيض و بعد ذلك اصبح اسود و انا لا حول لي و لا قوه
طبعا بمنظري ده مفيش اي تاكسي عايز يقفلي و لقيت سواق ميكروباص معدي بيقولي و هو بيضحك اوي هو البنطلون ده كان لونه الأصلي ايه؟؟
كلمت اتنين اعرفهم يجو يوصلوني واحد طلع في المحله و التاني نايم ما هو يوم باين من أوله بدأ الزكام يلعب بعيني و انفي و انا امسك بالاكلسير الي اصبحت المتب داخله مهلبيه و لكنن قررت ان اذهب الى بيتي في مدينة السلام مشيا
خرجت من كليتي الساعه الرابعه و رجعت بيتي الساعه 7 الا ربع و كانت النتائج المترتبه كالتالي
الكتب اصبحت مهلبيه
كل حاجه انا لابسها كانت مبلوله
الكوتشي كان محملا بقدر لا بأس به من الطين
وجع في كل مفاصلي و عنيا بدل ما كان لونها ازرق اصبح أحمر
احباط مفيش منه مثيل لأول مره مش عارف اساعد نفسي
تصوروا شكلي دلوقتي و انا داخل على ماما من الباب...ارك لخيالكم استيعاب ما حدث...حدث و لا حرج
دلوقتي كل اللي هاعمله هاخد قرص ساين اب و انام ..متمنيا دعواتكم لي ان يشفيني الله و يعافيكم من ما حدث لي
[1]
يوم لا ينسى
