كلام رائع وانا عندى مشكلة بسيطة زى ديه
انا بدرس لغة فرنسية فى دراستى الثانوية ودايما بحاول أتطور فيها أكتر لإنى فعلا بحب اللغة جدا
وفى ناس اعرفهم فرنسيين ولما باجى أتكلم معاهم طبعا بصعوبة جدا بنتفاهم
والمشكلة انهم مبيتكلموش انجليزى
وبلاقى صعوبة فى الكلام لاختلاف اللغة الرسمية عن اللغة الشعبية وعلى سبيل المثال عبارة: comment ca va? ديه جملة رسمية جدا جدا
والرد عليها لازم بيبقى ca va bien merci

هنا ازاى الواحد يعرف الكلمة اللى متحطش الواحد فى موقف محرج مع العلم ان الجمل الرسمية جدا فعلا محرجة
زى لو واحد أوروبى بيسلم عليكى وبيقول: كيف حالك يا فتاة !!!
أنا مش عارف ليه فتحت فى الكلام بس اللى حصل ومشكورة على الموضوع

هههههههه اولا يا وليد شكرا ليك على الرد الجميل ده
ثانيا انا كمان كنت بدرس الفرنش من و انا في الكي جي لحد الاعدادي لكن زي ماانت بتقول ان التعليم هنا في مصر بيكون اكاديمي جدا مش بس في الفرنش و لكن في اي لغة بنكون بندرس حاجة غير المستخدمة خالص و الكارثة اننا مش بنبقي عارفين اننا بنتكلم فورمال الا من خلال الخبرة فالواحد بيكون عامل زي اللي بيسمع في كتاب
بس للاسف نسيت كتيييير اوي من الفرنسيه لانى بقالي كتير مش بستخدمه خالص و اعتمادي بيكون على الانجلش و نفسي ارجع افتكره و اتقنه تانى خاصة انى بتعلم ايطالي في الكليه لكن برده نفس الفكرة تعليم اكاديمي جداااا بس للاسف صعب جدا لان اللغات دي مش بتستخدم في مصر خالص
و مرة تانية منور الموضوع

أنا فعلا قالب الدنيا على أى كورس كويس يكون فيه تعليم اللغة الفرنسية اللى مش رسمية
والتعليم بتاعنا فى اللغة محدش يعيبه فى نفس الوقت لانه هو داه الصج لما حد يتعلم لغة لازم يتعلم لغة أساسية
بس احنا اللى بنبقى عايزين البلدى
وعلى كل لمرة تانية شكرا على الموضوع الجميل ده