أنا والله كنت رحت شفت موضوع الدعايه واستقباله بالمنصوره الصراحه فى الجامعه حصل مشاكل وفى ناس فى الجامعه هتفوا ضد الاخوان وده كان شىء عادى وطبيعى وليهم حق وحريه فى كده طبعا بس اللى حصل كمان أن فى ناس مش محترمه طبعا ومتعرفش معنى للديمقراطيه من أصله دخلوا ومعاهم صاعق كهربى وبعض الألات الحاده وضربوا واحد من الاخوان وبعديها راح عمل كشف بالجامعه وعمل اثبات حاله وفى الأخر قالوا أن اللى دخلوا دول مكنوش من الجامعه أصلا فكان فى عيب أنه مكنش فيه تنظيم للموضوع ده بالجامعه

وفى الاستاد كان استقبال جماهيرى كبير جدا والمدرجات كانت مليانه تماما على أخرها ومكنش فى مكان أن حد يقف من أصله بالاضافه أن فى ناس معرفتش تدخل من شده الزحام بالداخل

وموضوع أن فيه ناس ضد المرسى وترشحه فدى حريه برضه ليهم بس ده ميمنعش أن عدد المؤيدين ليه بالمنصوره كان حافل بشده بس عيب الناس أنها بتبحث عن العدد القليل اللى كان معارض ليه هنا فى المنصوره
يعنى المفروض نجيب من الناحيتين الموافقين والمعارضين وساعتها هنشوف الفرق

وبالنسبه للترشح عند الاخوان هو عندهم طبيعتهم بشتغلوا فى مجموعه مش بشكل فردى يعنى سواء ترشح الشاطر أو المرسى عندهم مش فارقه مين فيهم اللى يترشح منهم المهم هما عرفوا يضحكوا ازاى على المجلس العسكرى وأثبتوا تفوقهم وذكائهم فى كده

وهما طالما بيشتغلوا فى مجموعه فسواء الشاطر أو المرسى مش فارقه بالنسبه ليهم لأنه اللى هيكسب هيشتغوا وقتها كلهم كمجموعه

ودى حريه ليهم كفصيل سياسى أنه يرشحوا أى واحد من طرفهم لأن دى هى الديمقراطيه والحريه أما الناس اللى بتعارض ما كانت تبص برضه لعمرو موسى وتهاجمه لأننا عايزيين نقضى على الفلول بالكامل

وفى الأخر كل مرشح حاطط برامج جيده بس المهم مين اللى هيوصل وينفذ ويعمل على نهضه مصر فالجميه لا يدعم شخص بعينه ولكن يدعم فكره واحده قد تسبب نهضه وتطور مصر

وفى الأخر أهم حاجه أن ربنا يارب يولى علينا من يصلح لأن ده هو الهدف الرئيسى
شكرا

اقتبـاس ،، وفى الأخر كل مرشح حاطط برامج جيده بس المهم مين اللى هيوصل وينفذ ويعمل على نهضه مصر فالجميه لا يدعم شخص بعينه ولكن يدعم فكره واحده قد تسبب نهضه وتطور مصر

وفى الأخر أهم حاجه أن ربنا يارب يولى علينا من يصلح لأن ده هو الهدف الرئيسى

مصدر الموضوع : استقبال حاشد لمحمد مرسي مرشح الاخوان في المنصورة - منتديات كويك لووك

اللهم آمين ووحد الجميع علي الحب الخالص المخلص لهذا البلد الطيب
واشكرك علي رأيك العاقل