كلنا عارفين ان الطيور بتأكل اولادها الصغرين بنفس الطريقة
وهى ان الام بتروح تدور على الاكل وتيجى تقف على العش وتلاقى اولادها فاتحين بقهم ومستنين الاكل وهى بكدة تحط الاكل فى بقهم وياكلوا ويشبعوا

لكن فى حاجة غريبة .. ان الغربان مش بتعمل كدة o
.O

امال بتعمل اية؟؟ .. كل الى بتعمله انثى الغراب انها بتروح تدور على الاكل وتيجى والاكل فى بقها بس مبتأكلهمش دى بتاكله المفجوعة وتسيب عيالها يتفرجوا عليها ميتين من الجووع ويمكن دا السبب الى منه جييت صفة القسوة

طيب دلوقتى العيال الغلابة دى هتاكل منين؟؟؟

بعد ما امهم بتمشى ومن كتر ما هما جعانين بينزل من عيونهم حاجة كدة تشبه الدموع بس عبارة عن سائل لزج

الدموع دى وهى نازلة من عنيها بتلزق فيها حشرات زى الدبان مثلا وكدة تنزل الدموع دى فى بقها ومعاها الحشرة وياكلوا بقى ويتبسطوا

كدة خلاص العيال كلت وغسلت رجليها وسنانها ونامت

طب خلونا كدة نتخيل شوية حاجات مع بعض

طبعا انت تعرف ان اصلا مكان العش بتاع الغربان بيبقى دايما فى امكان مهجورة مثلا حجمه 10م×10م×10م

ومثلا مساحة العش كله على بعضه 10سم×10سم .. وكل عيل من العيال دى حجمه 3سم×3سم×3سم .. لا وكمان راس كل غراب من دوول مش هتزيد عن 1سم×1سم×1سم .. والمساحة ما بين العين والمنقار بتاع الغراب حوالى 5مم×5مم .. والدبانة حجمها 5مم×5مم×5مم

طب كدة احتمال ان الدبانة تخبط فى الغراب قد اية؟؟؟؟ .. لا وكمان دى مش هتخبط فى الجسم بس دا فى المسافة الى بين العين والمنقار

ولو افتراضنا انها دبانة منحوسة يعنى هى عامية عشان متشوفش الغراب الصغير دا وتبعد عنه ... دى لما بتقف على اى ادينا ونيجى نضربها مش بنلاقيها






<<<<<<<<<<<<<<<<<<<<<<<<<<<<<<<<

طبعا مفيش قدامنا غير احتمال واحد بس ان دى قدرة الخالق سبحانه وتعالى وهو الى بايده يودى الحشرات دى فى المكان دا بالتحديد فى الوقت دا عشان تاكل منها الغربان الصغيرة الميتة من الجوووع


––––ılılı.ılılı M.Nash'at ılılı.ılılı––––•