حنرش شوية دقيق ونفرد عجينة السنابون بالنشابة







ولازم يكون سمكها حوالي سم واحد علشان لما حنفرد عليها الحشو وكمان لما حنلفها حترفع اكتر وأكتر






حنبدأ نلف السنابون بالراحة ونسيب في النهاية حوالي 3 سم في نهاية العجينة علشان تلزق بشكل كويس ومش تفك معانا في مرحلة التخمير والخبز.







ده شكل رول السنابون الجميل







حنبدأ نقطع بعرض صوباعين هو ده المقاس الصحيح لعرض السنابون . والتقطيع بيبقى بسكين منشار او بالخيط او الفتله تحطي الخيط تحت الرول تمسكي الطرفين وتعكسيهم وتشدي حتتقطع معاكي بسهولة زي ما انا عملت حيبقى جميل ومرتب جداً بالصوره دي













نرصهم في صواني متبطنة بورق الزبدة ونسيبهم في مكان دافي يخمرة . يا ما تحطيهم في الفرن من غير ما تغطيهم يا اما تسيبهم برى بس تغطيهم بفوطة علشان الوش ما ينشفش.






على بال ما يخمرو حجهز صوص التغطية الابيض يادوب بحط اللبن المكثف مع الجبنة الكيري وبخقفة كويس






وبما اني بحب احط الصوص على السنابون وهو سخن يبقى قوام الصوص لازم يبقى كثيف نوعماً وبارد علشان سخونة السنابون تسيحة وتخليه يغطي الوش من غير ما يسيح وينزل من على السنابون. فقوامه حيبقى كدة. لكن لو عندك السنابون بارد يبقى لازم يكون الصوص سائل عن كدة وممكن تتحكمي بالقوام من خلال اضافة اللبن المكثف.







بإسم الله ماشاء ده بقى شكلهم بعد التخمير تضاعف وبقى جميل جداً






وده شكل السنابون المتخمر من قريب

طريقة الخبز:[/b]


زي اي نوع معجنات لازم الخبز يبقى على حرارة عالية ولمدة قصيرة علشان كل ما خبزنا المعجنات في فرن سخن جداً ولفترة قصيرة حتبقى المعجنات هشة جداً وحتفضل منفوخة وقوامها من جوة طري وقطني جداً جداً والعكس صحيح لو خبزنا المعجنات في فرن متوسط الحرارة مش حنحصل على الانتفاخ المطلوب وكمان حتبقى المعجنات مكتومة وناشفة ومش هشة ولا طرية .


خبزت السنابون على حرارة 200 لمدة 12 دقيقة وده شكلها بعد الخبز







كدة من قريب . فاكرين لما قلتلكم يفضل خفق حشوة السنابون وفردها على العجين أفضل من دهن الزبدة ورش القرقة والكاكاو علشان تفضل ثابته ومش تسيح اهي دي النتجية الجميلة مش سايحة وكل حاجة واضحة العجينة والحشو












تزين السنابون زي ما قلت يا اما السنابون سخن والصوص بارد وتقيل يا اما السنابون بارد والصوص شبة سائل شوية . هنا اول ما تخرج من الفرن بحب احط على الوش معلقيتن كبار من الحشو وأسيبهم يسيحو من أثر حرارة السنابون كدة شكلها من فوق













هنا من قرب اكتر






وبعد كدة خطوط بسيطة من شوكولاتة الهيرشي السائلة . طبعا توليفة الصوص الابيض وشوكلاتة الهيرشي حاجة إدمان ونكهة لا تقاوم وحاجة كدة لا توصف يعني ههههههه






وهنا شكلها من قريب














عملت حساب مرات أخوية في السنابون وحطيت كام وحدة علبة بلاستك وحطيت عليها الصوص الابيض












بوظتلي شكلها . بس عدت على خير