حبيبتى انتى محل تقديرى واعجابى وحبى

هو ممكن كلمة اسف تمحى الجرح وممكن تزوده
يعنى ممكن تمحى الجرح لو كان الغلط غير مقصود قوى وكنا حاسين بجد باعتذار وندم من الشخص اللى غلط فينا نسامحه
انما لو حسينا ان الشخص بيعتذر من سبيل الواجب وانه مش عايز يخسر حاجه فى حياته وخلاص يعنى عارف ان اللى قدامه ده هيسامحه هيسامحه فبيعمل اللى عليه من غير ادنى احساس بالندم
التسامح لما تكون فى موقف القوى ساعتها نسامح والتسامح مطلوب انما لو تسامحت واتساهلت فى حقك وانت ضعيف فده ميبقاش تسامح ده يبقى تهاون وفيه فرق بين التسامح والتهاون
مثلا لما نسامح واللى جرحنا ندمان بجد نفتكر كلمة العفو عند المقدرة
انا لما نحس اننا لو سامحنا هنتهاون فى حق نفسنا واللى قدامنا مش ندمان نقوله الغفران صفة الهية
وطبعا الغلط فى الشرف او السمعه ده غير مقبول النقاش فيه
ده فى النهاية رايى ومش عارفه صح ولا غلط بس ده رايى وجزء كبير من شخصيتى