شهد ستاد جامعة المنصورة مساء الأربعاء 11 فبراير، واحدة من أسوأ الليالى فى حياة تامر حسنى الفنية، وذلك خلال إحيائه للحفل الترفيهى الذى يقام فى ختام أسبوع شباب الجامعات، والذى يعد أول حفلات تامر التى اتخذ لها شعار "مشوار فى حب مصر" !!!!!!!!!!، حيث سبق أن أشار عن نيته لإحياء 6 حفلات بدون أجر فى كبرى المحافظات المصرية للمحتاجين، وهذا الحفل "أول المشوار"، حيث تأخر تامر عن فقرته لأكثر من 3 ساعات والتى كان من المقرر أن تبدأ فى السابعة مساء، والسبب بالطبع لحين امتلاء أرض الإستاد بالجمهور، خاصة أن الحضور مجانا للطلبة، ونجاح الحفل مضمون.
ولكن ما حدث هو أنه تم تخصيص مقاعد المدرجات للشباب الذكور بينما وقفت الفتيات أمام خشبة المسرح كواجهة لمعجبات تامر، حيث يشاع أنهن أكثر من الذكور، وهو الخطأ الذى اكتشفه المنظم هادى عادل لأن الفتيات لم يتعد عددهم أكثر من 1500 فتاة فقط، بينما تجاوز عدد جمهور المدرجات من الشباب أكثر من 7 آلاف ذكر ظلوا يرددون عبارات استنكار خلال فترة الانتظار لتحقيق العدد المطلوب على أرض الإستاد. كان تامر على اتصال بالمنظم لمعرفة العدد النهائى، لدرجة أن المنظم طالب كل الفتيات الحاضرات بالاتصال بصديقاتهن لحضور الحفل كى تمتلئ أرض الإستاد ويصعد تامر.
وفى النهاية أكد أحد العاملين بالتنظيم أن تامر أعطى أمرا لهادى بنزول الشباب من المدرجات لأرض الإستاد، وهنا كانت الكارثة، حيث هجم الشباب على الفتيات لاحتلال الصفوف الأولى من خشبة المسرح، مما تسبب فى سقوط الكثيرات من الفتيات إلى جانب بعض التحرشات التى أفزعتهن، بينما عبرت أخريات على رفضها لقرار تامر الذى اتخذه لإرضاء غروره كنجم جماهيرى على حساب التضحية بهن، حيث قامت بعضهن بتقطيع بوسترات تامر وأخريات قمن بقذفه بأحذيتهن، بينما انسحبت الباقيات من الحفل قائلات "خلى الولاد تنفعه".
المهم فى الأمر أن تامر لم يستطع أن يقدم سوى 8 أغنيات تخللها العديد من الصرخات والإيقاف المؤقت من قبل إدارة الجامعة فى محاولة للسيطرة على الحفل لإنقاذ البنات، أو منع المتسلقين من الشباب على خشبة المسرح، ليغادر تامر الحفل بعد أقل من ساعة لصعوده خشبة المسرح، خاصة عقب فشل كل المحاولات للسيطرة على الحفل. رغم التجهيزات المبهرة بداية من مسرح ضخم بأحدث وسائل الليزر إلى جانب أجهزة الصوت ومؤثرات بصرية، إلا أن ذلك لم ينقذ تامر حسنى من السقوط فى موقعة المنصورة.
حلو قوى الموضوع ده وعاجبنى وكل مواضيعك رائعه جدا وانت واحشنى قوى والله ياعبد الرحمن بس انا مستعجب من كل الجماهير اللى راحت دى علشان ايه ياعنى ومعظم قراراته وحشه ومش مهتم الا بالنجوميه بتاعته من النهايه.
توقيع :MNS
Once more into the fray
Into the last good fight I'll ever know
Live and die on this day
Live and die on this day
بصراحة العيب مش في تامر حسني العيب في "المسئولين" " التربويين" اللي في جامعة المنصورة اللي جابو واحد اتهرب من الجيش وزور شهادة تخرجه وعملوله لوحة كبيرة جدا من أموال "الغلابة" وعلقوها علي مبيني حكومي وقال ايه مشوار في حب مصر ... بامارة ايه ..... اما البنات اللي راحو فمع كامل احترامي اللي حصل ده كان شيء متوقع ومش اول مرة ..... هناك صور للمهزلة لكن فضلت عدم وضعها احتراما لمشاعر الاعضاء
اولا حلو قوى انك فتحت مجال اننا نتكلم فى الموضوع ده ياعبد الرحمن
اولا انا سمعت ومن واحدة صاحبة ماما بتشتغل فى ادارة الجامعه ان تامر اخد 150 الف جنيه عن الحفلة ومكنتش ببلاش ولا حاجه وانهم قالوا كده لاعتبارات تانية
ثانيا فعلا بغض البنظر احنا بنحب اغانى تامر حسنى ولا لاء بالذات جامعه المنصورة مكنش ينفع تجيبه هو بالذات لان هى الجامعه اللى تامر زور شهادته منها
ثالثا وانا فى سنة اولى جامعه كان برضه فيه اسبوع شباب الجامعات وتامر وشيرين وبهاء سلطان وسعد الصغير وحماده هلال جابتهم الجامعه ومكنش فيه اجراءات الامن الرهيبة دى وكان فعلا الشباب والبنات مفصولين وكان فيه احترام مواعيد وبرضه الحفلات كانت ببلاش للطلبة وانا حضرتهم ايامها انما لما اعمل لمطرب كل اجراءات الامن دى واكرمه فى اخر مكان ينفع يتواجد فيه يبقى لازم يكون مغرور ويهتم بانه يبان معجبينه وجماهيريته كبيرة جدا ده الاهم عنده مظهره ونجوميته مش جمهوره
واه فعلا البنت اكيد كانت رايحة وهى عارفة ان احتمال حدوث تحرشات ومشكلات امنية وارد جدا فلازم انها تكون فكرت مرة واتنين وتلاتة وحتى لو كانت عارفة ان الولاد والبنات هيتفصلوا عن بعض فكانت لازم يكون معاها حد من اخواتها مثلا العيب مش هيكون فى المطرب قبل مايكون عيب فينا عيب بقى فى ثقافة حضور الحفلات عيب فى التظيم من الجامعه المهم انه العيب فينا واللى بيقول روحت حفلة تامر وشتمته طب وانت روحت ليه من الاول
[1]
مهزلة تامر حسني في المنصورة
