ميرسى منى على مرورك اللى بيسعدنى وردودك الاكثر من رائعه زيك

انا مردتش على الموضوع ومعرفش ليه عندى رغبة انى اجاوب ع الاسئلة انا كمان والمفروض انى كنت اول حد اجاوب هههههه معلش بقى

1- ماهي المواضيع التي تشد انتباهك ؟؟
المواضيع اللى فيها فكرة مميزة او دمها خفيف بمعنى اصح المواضيع اللى ليها قيمة
2- هل تشعر بقصورك في الرد على الأعضاء ؟؟
لاء معتقدش بالعكس انا اتمنى ان يكون فيه تواصل وتفاعل اكتر من كده
3- هل تشعر بقصور المشرفين بالردود ؟؟
يعنى نادرا لما بحس بكده بس هو يمكن تقصير المشرفين شوية ان مش كل الاقسام بيترد فيها وانا عن نفسى بحاول على قد ماقدر ارد فى كله
4- هل تشعر بإتجاهك وتفاعلك في منتدى محدد ؟؟ أم تتعامل مع كل أقسام المنتدى بنفس درجة التفاعل؟؟
لاء معنديش تفاعل فى قسم معين انا بتفاعل مع كل الاقسام بس يمكن الاقسام التعليمية اللى مليش فيها شوية

5- حين تجد طرح لايستهويك ؟؟ ترى ماهو رد فعلك ؟
لو هو موضوع مفيهوش اى نوع من انواع الخروج عن قواعد واساسيات المنتدى مبردش
انما لو موضوع فيه اى حاجه غلط برد وببلغ الادارة
6- بصدق وأمانه من يحرض فيك رغبة التفاعل .. الموضوع أم صاحب الموضوع أم كليهما؟؟

الاتنين اكيد لو الموضوع مميز مش هيجى من شخص تافه والعكس صحيح
7- كتبت موضوعاً .. بذلت جهداً .. أنفقت وقتاً .. أيقنت أن الموضوع أصبح جاهزاً للطرح والعرض ... قدمته .... توقعت زوار .. توقعت تفاعل .. موضوع هام ...ولا بد أن القراء سيثرونه بالردود والتفاعلات .. أنتظرت يوماً ويومين وثلاثة .. والنتيجة عشرة زوار أو عشرون .. والردود لاااااااا أحد ما هو شعورك ؟

هههههههه عديت انا مرحلة الزعل على المواضيع اللى بحس انها متميزة ومبتاخدش حقها فمبقتش بتفرق لو حد واحد رد بيبقى كفاية وحتى عدد الزوار بيبقى دليل النجاح وبعذر برضه المشرفين والاعضاء كل واحد وعنده ظروفه
8- حين يقوم أحد الأعضاء بالرد على موضوعك ..
ما هو شعورك حين تجد أنه سلك بموضوعك طريقاً لا يمت للموضوع بصلة مما دفع البعض للتفاعل مع رده دون أهتمام بطرحك أنت صاحب الموضوع الأصلي ؟؟
عادى انا واى عضو عادى واكيد الرد هيكون له علاقة بالموضوع بشكل ما والتفاعل معاه نجاح للموضوع الاصلى المهم اننا لما نتفاعل نتفاعل بشكل حضارى وعلى موضوع صح
9- عندما تجد احد الردود يدفعك للانزعاج .. ترى ماذا تفعل؟؟
ولا حاجه لو الرد خارج عن حدود اللياقه هبلغ الادارة او لو ليا صلاحية هعدله وهنصح العضو يحسن طريقته شوية انما بقى لو الرد مش عاجبنى بس عادى مفيهاش مشكلة انا بتقبل النقد البناء عادى جدا
انما لو الرد تجريح مش هسكت لانى مبسيبش حقى وبعرف اخده كويس وهعرف اوقف العضو عند حدوده بمنتهى الادب وكمان الادارة مش هتسكت على اى تجاوزات
10- حين تطرح موضوعاً ... هل تحرص أنت على متابعته وتتفاعل معه أولاً بأول أم يقل الاهتمام تدريجيا ؟؟
لاء طبعا كل ما الاقى موضوع ليا فيه تفاعل عمرى ماهزهق منه ابدا وهفضل اتفاعل فيه مش ممكن هسيب حد دخل يرد عليا ويناقشنى ومعبروش
11- هل تود أن يكون في المنتدى قسم تتمنى وجوده غير الأقسام المطروحة في المنتدى؟؟؟ وما هو؟؟؟
اه اقسام الافلام والرعب وتطوير المنتديات او حتى قسم للبرامج الفكاهية
12--هل تؤمن بأهمية وجود وردود المشرف على مواضيعك ؟؟
اه
13-لو كان لك حرية اختيار اكثر من قرار في المنتدى .. ماذا ستقرر على وجه السرعة؟؟
مممممممممممم هو حاليا المنتدى كويس جدا هو فيه اقسام انا شايفة انها ممكن تندمج او تتغير بس حاليا المنتدى كويس
14- هل التثبيت للمواضيع المتميزة ... يشجعك للتواصل والعطاء ؟؟؟
وهل تشعر أنك تستطيع الوصول إليه؟؟
طبعا
15- سلبية واضحة جداً في المنتدى وتطالب بازالتها الآن ... ماهي ؟؟
قلة الردود والتفاعل من الاعضاء




16 - كتبت موضوعاً ناجحاً ولم يلقى النجاح وبعد مدة من الزمن وجدت الموضوع تكرر من شخص آخر ولقى النجاح الذي كنت تتوقعه ... ماذا تكون ردة فعلك ...؟؟؟

عادى جدا هتفاعل مع الموضوع الجديد لان اهم حاجه انى هناقش او انطرحت الفكرة اللى عايزة اطرحها بغض النظر الشخص مين