النهارده جايبه لكم موضوع جميل جدا ويهم كل بنت وهو التخلص من مشكله تشققات القدمين نهائيا وبصراحه انا جربت الطريقه دى وجابت معايا نتايج والله بس المهم انك متكسليش وتستعملي الكريم ده كل يوم قبل النوم
اولا المقادير
صابونه كامى اى لون ويفضل اللون الابيض
كميه مناسبه من الجلسرين
ونفس الكميه او المقدار من الفازلين
ثانيا الطريقه
تبشرى الصابونه وبعد كده تنقعيها فى نص كوب ميه لمده ساعتين وبعد كده تحطى الفازلين والجلسرين على الصابونه وتضربيهم كويس اوى فى الخلاط هايبقى شكلهم زى الكريم بالظبط واستعملي الكريم ده كل يوم بالليل وكل يومين او تلاته تنقعى رجلك لمده ربع ساعه فى ميه دافيه وتستخدمى مبرد الرجلين او الحجر هاتلاقيهم فى اى صيدليه اهم حاجه انك متزهقيش وتستخدمى الكريم كل يوم قبل النوم والله النتايج اكيده وانا جربتها بنفسى وجابت معايا نتايج كويسه
[1]
حل نهائى لتشققات القدمين
