طبعا كلنا لينا اصحاب
معظم الناس الصحوبيه هى حياتهم
والصحوبيه السليمه يعنى مفيش غدر ولا خيانه
وبرضه فى اصدقاء السوء
وفى اصدقاء العمر
ليه كل واحد ميتكلمش عن اكتر صاحب بيحبه
صاحب محترم
نفهم بعضينها ايه الفرق ما بين الصداقه والصحوبيه ؟؟؟
كل واحد يقول هو اختار صاحبه وصديقه على اى اساس؟
ايه سبب شده حبه لصديقه
اوحش وقت مريتوا بيه سوا مع بعض
احلى وقت عيشتوه مع بعض
اكبر خصام ما بينكم
اتصلحتم ازاى؟
تفتكر هتعيشوا اصحاب طول عمركوا؟ولا لا؟
هتنسوا بعض ولا لا؟
فياريت كل واحد يخش يتكلم عن افضل صديق ليه وكل واحد يفهم التانى وينصحه يختار صديقه ازاى؟
ارجو المشاركه من الجميع ولى مشاركه اخرى باذن الله ...........
توقيع :MNS
Once more into the fray
Into the last good fight I'll ever know
Live and die on this day
Live and die on this day
ايه الفرق ما بين الصداقه والصحوبيه ؟؟؟ الصداقه انك تقدر تقوله على كل حاجه و كانكم واحد بس الصحوبيه هى انك تقول بس مش كل حاجه
كل واحد يقول هو اختار صاحبه وصديقه على اى اساس؟ الامانه و الصدق و الحب و التعاون و الوفاء
ايه سبب شده حبه لصديقه الامانه و الصدق و الحب و التعاون و الوفاء
اوحش وقت مريتوا بيه سوا مع بعض ايام الامتحانات
احلى وقت عيشتوه مع بعض لما نخلص الامتحانات و نتقابل
اكبر خصام ما بينكم
اتصلحتم ازاى؟ مافيش خصام فاكيد مفيش مصالحه
تفتكر هتعيشوا اصحاب طول عمركوا؟ولا لا؟ اعتقد اه
هتنسوا بعض ولا لا؟ مستحييييييييييل ----------------------------------------- ثانكس ام ان اس على الموضوع الرائع مرة تانه
انا والله رجعت تانى للموضوع وهتكلم عن نفسى بالتفصيل
انا ليه 4 بحبهم قوى واحد من اولى حضانه واثنين من اولى ابتدائى وواحد من اولى اعدادى
بس صديقى المخلص فعلا هو واحد من اولى ابتدائى
واختياره جه من محبتنا لبعض وشده حبى ليه ان كل واحد فينا عامل التانى على انه اخوه بالظبط واوحش وقت مرينا بيه بعد ما صديقى انا وهو الثالث فى اولى ابتدائى توفى الله يرحمه يارب وكنا ساعتها فى 5 ابتدائى.
واحسن وقت لما كنا بنقضى كل يومنا مع بعض فى الاجازه بعد ثانيه اعدادى
واكبر خصام كان السنه اللى فاتت فضل لمده 4شهور بسبب صديق اخر ليه انا وهو ربنا يسامحه فضل عمال يوقع ما بنا لحد ما اتخاصمنا بس انا قضيت اسوا 4 شهور فعلا وواحد صاحبنا لما عرف صالحنا على بعض بس كل واحد فينا استفاد فعلا عرفنا ان احنا اخوات وعيب قوى الخصام الطويل اللى كان بينا بسبب شىء تافه وربنا يسامحه مره تانيه اللى وقع ما بينا .
اعتقد طبعا علشان انا وهو رجعنا فعلا زى الاول واحسن وبنكلم بعض فى اليوم اللى ما بنتفابلش فيه وبابا بيكلم باباه اصلا وهما اصحاب برضه .
ومعمرنا ما هننسى بعض خالص وده مستحيل.والخصام اللى كان بينا كان بسبب كشكول الواجب بتاعى انا وهو كان ضاع منه سالنى عليه قلتله ما شفتهوش فحاولت ادور معاه قام واحد قايله ان كشكوله معايا وان بحاول اتعبه وخلاص فكلمنى قولتله هو بيضحك عليك انا هاخده منك اعمل بيه ايه ياعنى؟ وتانى يوم خاد كشكول ليه وقالى هات كشكولى واديك كشكولك قولتله ماعييش كشكول والله قام التانى قايله قطع كشكول محمد فقطعه فزعلت منه قوى لانه صدق التانى ومصدقنيش فمشيت وسبتهم الاتنين .
بس الحمد لله رجعنا اصحاب وحبينا بعض اكتر وكل واحد بيصدق التانى.........................
وهتستمر حياتنا ان شاء الله كده.........................................
اسف على انى طولت....................................
تم تحرير المشاركة بواسطة :MNS
بتاريخ:
توقيع :MNS
Once more into the fray
Into the last good fight I'll ever know
Live and die on this day
Live and die on this day
قبل ما ارد عالاسئلة انا عايزة اشكرك الاول عالموضوع المميز بجد ايه الفرق ما بين الصداقه والصحوبيه ؟؟؟ الصداقة جايه من الصدق يعنى انت تتكلم مع اصدقائك تحس انك بتكلم نفسك من غير ما يكون فى حواجز او حتى تخاف ان كلامك يزعله اما الصحوبية فهى عمرها ما هتكون زى الصداقة اختار صاحبه وصديقه على اى اساس؟ طبعا ان يكون الصديق صادق وامين وبتحبنى بجد وتخاف على مصلحتى وتعيننى على طاعة الله عز وجل وتكون محترمة وسمعتها كويسة وتكون مستواها فى الدراسه كويس عشان انا اكيد هتأثر بيها طبعا فى حاجات كتيرة بس انا مش فاكراهم كلهم دلوقتى ايه سبب شده حبه لصديقه ؟ ان كل الصفات اللى انا قولتها متوفرة فيها اوحش وقت مريتوا بيه سوا مع بعض اوحش وقت بمر بيه وانا مش معاها لما بكون معاها بكون اسعد انسانة فى الدنيا بجد
احلى وقت عيشتوه مع بعض دايما اوقاتنا مع بعض حلوة
اكبر خصام ما بينكم لما مش بنتفق بيكون قليل اوى وبنرجع نتفق على طول
اتصلحتم ازاى؟ لما بنتخاصم مش بنبعد عن بعض بس هى لما تكون متضايقة منى بتقول وانا برضه كدة وتاغلطان فينا بيعتذر
تفتكر هتعيشوا اصحاب طول عمركوا؟ولا لا؟ انا متاكدة اننا هنفضل اصحاب واجدع صحاب طول عمرنا ان شاء الله
هتنسوا بعض ولا لا؟ اكيد لا الا لو فرقنا القدر وارادة ربنا اما لو كان بادينا فاستحالة
وانا اتمنى ان كل الاصدقاء يكونو زيى انا و ايه(صديقتى)
ولتانى مرة ميرسى عالموضوع
توقيع :shimaa
المتفائل إنسان يرى ضوءاً غير موجود .. والمتشائم أحمق يرى ضوءاً و لا يصدق.....
[1]
من هو افضل صديق ليك؟
من هو افضل صديق ليك؟
من هو افضل صديق ليك؟
من هو افضل صديق ليك؟![anmbe39db7cb5cf85b5[1]](http://www.quicklook4u.com/up/users/shosho/anmbe39db7cb5cf85b5[1].gif)