أهلا وسهلا بك زائرنا الكريم في منتديات 56 نيوز، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


  1. منتديات 56 نيوز
  3. واحة الترفيه والرياضة والتصاميم والكمبيوتر
  5. التسالي والترفيه والألعاب
  7. شوف القاهرة عام 2052!!!!!!!!


لا يمكنك الرد على هذا الموضوع لا يمكنك إضافة موضوع جديد

الصفحة 2 من 3 < 1 2 3 >


subject icon شوف القاهرة عام 2052!!!!!!!!
21-09-2009 02:53 مساءً
صورة hala الشخصية
hala
فضى
rating
معلومات الكاتب ▼
تاريخ الإنضمام : 2008-12-07
رقم العضوية : 928
المشاركات : 177
الجنس : أنثى
الدعوات : 1
قوة السمعة : 0
التعليم : ابتدائي
الهواية : شعر
  

المكان أحد أحياء القاهرة)**





((الزمان يوم من أيام صيف عام 2052 ))

حفيدة في سن المراهقة (15 سنه) تجلس مع جدتها (70 سنة) ويدور بينهما هذا الحوار

الحفيده : تيته ميرو إزيك..بقى لي زمان ما قعدتش معاكي

الجده : وهو أنا عارفة أتلم عليكي خالص.. ده أناقاعدة
زهقانة قوي ومش لاقية حاجة تسليني

ومابتفتحيش الدش ليه يا تيته

الجده :التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

وإيه الحلاوة دي؟ حلو البادي اللي انتي لابساه
ده..بس ده موضة قديمة قوي ياتيته !

الجدة : يا بنتي أنا ست دقة قديمة وبالبس زي ما جيلنا
الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل
يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة : وهو انتي فاكرة إن أيامكم دي أيام؟ يا بنتي
أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة: معقول يا تيته؟ للدرجة الفظيعة دي!!؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر
وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله
ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً ..
زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء
شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!

الحفيدة : وبعدين ياتيته

الجدة : وبعدين كنا نسمع على حاجة اسمها اسطوانات ليزر،ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة.حسبي الله ونعم الوكيل!

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع
الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)

الحفيدة: هيه يا تيته.. وبعدين



الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس
كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

الحفيدة : 70 مليون بس؟!!

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ150 ألف جنيه بس..وكان الدولار بخمسة جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت بمجرد
ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي
بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !

الحفيدة : ياي! ده انتوا كنتوا متزمتين خالص ياتيته !!!



الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي
دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو
لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: ( تنهض من مكانها) تشاو سي يو تيته!

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات
غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا
عكروتة ..وسميتوا المحروس إيه بقى

الحفيدة : سميناه ( دوت كوم) ..

الجدة : نعم .. دوت كوم؟ نظام هاي تك بقى؟ يعني لما
تعوزي تنادي له تدوسي ( إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس ( ألت و إف4)

الجدة: وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه،
أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة! إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان
- واشنطن تتهم ليبيا بتفجير سفينة فضاء فوق كوكب المريخ
- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة
- موافقة مجلس الشعب أخيرا على خصخصة معبد الكرنك
أخبار عربية:
- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل
- سيريلانكا والفلبين تطرد خمسة آلاف خادمة كويتية
- إسرائيل ترفض الإنسحاب من البصرة إلا بعد ضمان أمن مستوطناتها في بغداد
- اشتباكات على الحدود الإسرائيلية المغربية
أخبار الفن
- زفاف المطربة صباح على حفيد الفنان الراحل راغب علامة
- رئيسة قطاع الإنتاج لم يستقر بعد على بطلة فوازير
رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية
- الفنان محمد هنيدي يهاجم نجوم الكوميديا الجدد

المذيعة: فينيش باي

الجدة: لأ بقى حسبي الله ونعم الوكيل فيكم فعلا!
(يغمىعليها)

الحفيدة : تيته..تيته
إيه دا ماتت
بالا نيله !!




21-09-2009 05:13 مساءً
مشاهدة مشاركة منفردة [1]
صورة MNS الشخصية
MNS
مرشح للاشراف
rating
معلومات الكاتب ▼
تاريخ الإنضمام : 2008-09-24
رقم العضوية : 184
المشاركات : 4447
الدولة : ُEgypt
الجنس : ذكر
تاريخ الميلاد : 25-1-1994
قوة السمعة : 244
  
look/images/icons/thumbup.gif شوف القاهرة عام 2052!!!!!!!!
هههه شكرا على الموضوع الرائع والطريف
بس دى هتكون حياه غريبه جدا
واحلى حاجه نشره الاخبار
المذيعة : هاي شلة! إليكم عناوين الأخبار
المشاهدين هما الشله طبعا ههههه
شكرا على الموضوع مره ثانيه.
توقيع :MNS
Liam-Neeson-in-The-Grey-2-008

Once more into the fray
Into the last good fight I'll ever know
Live and die on this day
Live and die on this day


21-09-2009 07:42 مساءً
مشاهدة مشاركة منفردة [2]
صورة مستر أشرف فوده الشخصية
مستر أشرف فوده
هيئة تدريس اللغة الانجليزية
rating
معلومات الكاتب ▼
تاريخ الإنضمام : 2009-05-29
رقم العضوية : 4374
المشاركات : 1139
الدولة : مصر
الجنس : ذكر
الدعوات : 1
قوة السمعة : 62
التعليم : ابتدائي
الهواية : شعر
  
look/images/icons/winner_first_h4h.gif شوف القاهرة عام 2052!!!!!!!!
هههههههههههههههههههههه
موضوع جامد هاله
و رؤيه مستقبليه رائعه


توقيع :مستر أشرف فوده
الفارس أشرف فوده
مدرس أول لغه إنجليزيه
معلم الأجيال و أستاذ الأوائل


22-09-2009 11:21 صباحاً
مشاهدة مشاركة منفردة [3]
صورة Galal Hasanin الشخصية
Galal Hasanin
مدير المنتدي
rating
معلومات الكاتب ▼
تاريخ الإنضمام : 2008-08-27
رقم العضوية : 1
المشاركات : 12108
الدولة : Egypt
الجنس : ذكر
الدعوات : 28
مشاركات مكتبة الميديا: 1033
قوة السمعة : 2896
موقعي : زيارة موقعي
التعليم : جامعي
الهواية : شعر
  
look/images/icons/i1.gif شوف القاهرة عام 2052!!!!!!!!
انا اللي صعبان علي في الموضوع ده الطفل دوت كوم
بعد مايطلعوله شهادة install من سجل مدني Google
هيسطب حياته ازاي في الحياة العنكبوتية ولازم يعمل search
متقدم عشان يلاقي function لحياتهوكل كليك في حياته
محسووووب عليه ولو غلط يا هووووو !!! مش هيترحم
وربنا يعينه لانه هيبقي عليه load كبير قوي!



شكرا هاله علي الصورة اللي تخوف
توقيع :Galal Hasanin
Mr. Galal Hasanin
Expert Teacher of English Language
El-Malek El-Kamel High School
Mansoura Secondary High School


22-09-2009 11:33 صباحاً
مشاهدة مشاركة منفردة [4]
بدون صورة شخصية
Mona Galal
إدراة المنتدي
rating
معلومات الكاتب ▼
تاريخ الإنضمام : 2008-08-27
رقم العضوية : 4
المشاركات : 6616
الدولة : مصر- Egypt
الجنس : أنثى
تاريخ الميلاد : 17-5-1994
الدعوات : 8
قوة السمعة : 815
موقعي : زيارة موقعي
التعليم : جامعي
الهواية : الانترنت
  
look/images/icons/clap_1.gif شوف القاهرة عام 2052!!!!!!!!
هههههههههههه

موضوع ظرف جدااااااا
ميرسى هاله

و فعلا هيكون مستقبل غريـــــــــــب جدااااا


24-09-2009 03:58 صباحاً
مشاهدة مشاركة منفردة [5]
صورة rose الشخصية
rose
شخصية هامة
rating
معلومات الكاتب ▼
تاريخ الإنضمام : 2008-08-27
رقم العضوية : 8
المشاركات : 3082
الدولة : Egypt
الجنس : أنثى
الدعوات : 2
قوة السمعة : 929
التعليم : ابتدائي
الهواية : شعر
  
look/images/icons/i1.gif شوف القاهرة عام 2052!!!!!!!!
ههههههههههه
موضوع ظريف جدااااااااا و رائع يا هالة
شكراااااا جداااااا
توقيع :rose
Living in the past causes you to miss out on the present. Life is too short to let it pass you by.

لا يمكنك الرد على هذا الموضوع لا يمكنك إضافة موضوع جديد
الصفحة 2 من 3 < 1 2 3 >




المواضيع المتشابهه
عنوان الموضوع الكاتب الردود الزوار آخر رد
مقابر للبيع بالقاهرة الجديدة بتسهيلات في السداد | سما الاقصى للمقاولات ندا عمر
 0 5 ندا عمر
لحود شرعية للبيع بافضل الاسعار | مقابر القاهرة الجديدة ندا عمر
 0 4 ندا عمر
افضل موقع مقابر للبيع بالقاهرة الجديدة ندا عمر
 0 4 ندا عمر
من هو أفضل دكتور نساء وتوليد في القاهرة ؟ جنى جنى
 0 4 جنى جنى
دكتور كشف صدر منزلي في القاهرة جاسيمن محمد
 8 766 yehia ashraf

الكلمات الدلالية
لا يوجد كلمات دلالية ..

« خارج حدود الصورة | هل تعتقد نفسك مريض نفسى جرب؟؟؟؟؟؟؟؟؟ »








الساعة الآن 06:25 PM
سياسة الخصوصية