ايه رايكم بجد فى مصر؟ اكيد مصر بكل خير بس الشئون الاقتصاديه والاجتماعيه وغيره وغيره وغيره بس اللى وحشيين. كتير ناس تقول الحكومه وغيره بتعمل وحكومه اى كلام والبعض يقول احنا منحوسين ولا ايه؟ فى حاجات كتير فى مصر بايظه على الاخر البعض يقول لا الشعب اللى لازم يكون التعامل معاه كده . الحمد لله بكل اكتساح مصر وصلت الى حاله التفاهه هو ده اللى مطلوب طبعا بس مش مصر بس فى بلاد تانيه كتييييير الشعب المصرى عجيب على الاخر وتصرفاته غريبه اللى يسرق واللى يقبل الرشوه علشان مفيش دخل كويس بس طبعا فى حلول كتيره ممكن الواحد يسرق محدش هيقوله لا احنا حالنا اصبح تعبان على الاخر بس برضه الشعب المصر غلبان على الاخر من 3 ايام والله كنت ماشى رايح درس لقيت راجل غلبان ماشى بكيس فيه عيش واى حاجه علشان فى البيت عنده يتغدوا والله لقيته عند الزباله بيوطى وشال حبه جرجير مرمى فيهم بجد ده الواحد يعمل ايه عليه عبء كبير مصاريف اولاده وزوجته واهله ده لو مات اريحله بجد طول اليوم زمانه ماشى شايل الهم هيعمل ايه ولا ايه. ومن 3 اسابيع ما شاء الله كل فيه رقم 3 وخلاص كنت راكب العربيه مع بابا الاشاره خضراء عدينا فى النصف بقت حمراء فبابا بيكمل وبيعدى الشرطى عمل مخالفه بابا قاله كانت الاشاره خضراء واحنا بنعدى فاالعسكرى بتاع المرور قاله مخدش بالى بس النمره اتكتبت مينفعش امسحها وبابا قاله يعنى تعمل مخالفه وخلاص على الفاضى العسكرى قال خلاص نخليها حزام امان هههه حلو جدا بابا قاله كنت لابس حزام الامان بابا عايز يخلص عطاله10 جنيه يرضيه فزود رقم 2 على بدايه الرقم بتاعنا وكده المخالفه مش لينا لواحد تانى ملهوش دخل ولا ذنب وروحنا. بابا فضل متضايق راح تانى يوم المرور وقابل مش عارف مين المهم عرفه باللى حصل وقاله الكلام ده حصل فى المكان .... والساعه.... طبعا الراجل سأل مين اللى كان موجود فى الوقت ده قالوا .... شالوا النمره وخلصوا والراجل زعق للعسكرى. ايه اللى بيحصل ده بابا سافر بلاد كتير مشفش اللى حصل ده ولا مره غير فى مصر ما شاء الله وحاجات كتير بتحصل وكله رشوه واللى يسرق مش حرام اللى احنا فيه ده اللى بيقبل الرشوه علشان معهوش فلوس تكفى للعائله بتاعته يعنى يعملوا ايه يعنى لو كان دخله بيكفى كان معمر حد ما قبل الرشوه ربنا يوفقنا جميعا ويسهلنا ويهدينا هنقول ايه يعنى؟ انا اتكلمت كتيييييييييييييييير قووووووووى يلا قول واحد يقول رايه فى مصر ويقول مواقف حصلتله. كل عام وانت بخير.