بسم الله الرحمن الرحيم
قلت اجيبلكم شويه نكت تضحكو
بس اللى مش هيضحك
واحد بيقول لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع
**************************************
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة،
قال والله انا كنت متأكد انهم في الهيصة دي هينسو حد
*************************************
واحد متجوز من 20 سنة وفيه دولاب عنده مقفول بمفتاح من يوم ما اتجوز وبياخد المفتاح معاه ف كل حتة.. مراته نفسها تعرف الدولاب ده فيه ايه... انتهزت الفرصة بعد 20 سنة جواز وعرفت تاخد المفتاح وفتحت الدولاب لقت فيه 200 الف جنيه وبيضتين
راحت لجوزها تسأله... ايه حكاية البيضتين دول.... قالها الصراحة يا حبيبتي كنت كل ما اخونك مرة اروح اشتري بيضة واحطها في الدولاب... قالت كويس عشرين سنة جواز ومخانيش غير مرتين بس
قالتله وايه حكاية ال 200 الف جنيه دول... قالها كنت كل ما اكمل كرتونة بيض اروح ابيعها
*********************************************
نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله... وقالت أول يوم ما شفتش حاجة وتاني يوم ما شفتش حاجة... وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده... اول يوم ما شفتش حاجة... تاني يوم بدأ يعمل الأكل... تالت يوم غداني وعشاني برة
الزوجة المصرية: انا قلت لابو العيال انا مش هعمل حاجة في البيت الاسبوع ده... اول يوم ما شفتش حاجة... تاني يوم ما شفتش حاجة... ثالت يوم ابتديت أشوف شوية بعيني الشمال
**************************************************
واحد بيقول لمراته.... انا النهاردة عايز رومانسية في البيت... راحت سألت مامتها: يعني ايه رومانسية؟؟ قالتلها: والله مش عارفة بس احتياطي انقعي الرز *************************************************
واحد بيقول لصاحبه انت عارف في عيد جوازي الاول اخدت مراتي في رحلة لليابان... قاله يااااااااه... امال في عيد جوازك العشرين بقي هتعمل ايه... قاله هروح اجيبها من اليابان
*************************************************
مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد في المطبخ وحاطط فنجان قهوة قدامه ومستغرق في التفكير
لاحظت دموع نازلة من عنيه.. سألته ايه الموضوع؟؟ قاعد لوحدك ليه في نص الليل؟؟؟
قالها: فاكرة لما اتواعدنا من عشرين سنة؟؟؟
قالتله: آه فاكرة
قالها: فاكرة لما شافنا أبوكي واحنا في العربية؟؟؟
قالتله: آه فاكرة
قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟
قالتله: آه فاكرة
نزلت الدموع من عينه وقالها: لو كنت دخلت السجن كنت خرجت النهاردة
*************************************************
مرة واحد عنده 90 سنه اتجوز واحده عندها 80 سنه ..
اول يوم جواز دخل الحمام اخد شاور ولبس البيجاما دخلت العروسة اخدت شاور ولبست قميص النوم واتقابلوا في الصاله مسك ايدها وباسها وكل واحد راح غرفته ونام ..
تاني ليلة دخل الحمام اخد شاور ولبس البيجاما ودخلت عروسته الحمام اخدت شاور ولبست قميص النوم اتقابلوا في الصاله مسك ايدها وباسها وراح كل واحد على غرفته ونام..
تالت ليله دخل الحمام اخد شاور ولبس البيجاما واخدت عروسته شاور ولبست قميص النوم واتقابلوا في الصاله لسه بيمسك ايدها علشان يبوسها قالت له: بلاش الليله انا تعبانه!
تحياااااتى للجميع
توقيع :emadelmansy
إن مرت الايام ولم تروني فهذه مشاركاتي فـتذكروني
وان غبت ولم تجدوني أكون وقتها بحاجة للدعاء فادعولي
واحد متجوز من 20 سنة وفيه دولاب عنده مقفول بمفتاح من يوم ما اتجوز وبياخد المفتاح معاه ف كل حتة.. مراته نفسها تعرف الدولاب ده فيه ايه... انتهزت الفرصة بعد 20 سنة جواز وعرفت تاخد المفتاح وفتحت الدولاب لقت فيه 200 الف جنيه وبيضتين
راحت لجوزها تسأله... ايه حكاية البيضتين دول.... قالها الصراحة يا حبيبتي كنت كل ما اخونك مرة اروح اشتري بيضة واحطها في الدولاب... قالت كويس عشرين سنة جواز ومخانيش غير مرتين بس
قالتله وايه حكاية ال 200 الف جنيه دول... قالها كنت كل ما اكمل كرتونة بيض اروح ابيعها ثانكس
[1]
شوية نكت حلوين
