حلو اوى يا روز شدى حيلك

وانا فكرت ف شويه حاجات بقى
_____________________________________________
بالنسبة للفلاحين اللى بيحرقوا قش الارز
هنعمل توعيه فى التليفزيون ونبعت ناس تفهمهم
وده طبعا مش هيأثر فيهم لان الناس شغالة توعيه من زمان ومحدش بينفذ فهبعت مراقبين يراقبوا الفلاحين واللى نلاقى انه بيعمل كدة يدفع غرامة كبيرة
واللى هيلتزم بالقوانين ياخد مكافئة

وممكن اقول للفلاحين اللى يشوف اى حد من زمايله بيحرق رز يبلغنا وليه مكافئة (هم طبعا ما هيصدقوا)
وده طبعا مش فتنه

واخلى السيارات تستخدم مصادر للطاقة مش ملوثه ونرخص المصادر دى وبرضه نطبق قانون الغرامة والمكافئة

والمصانع نحط مرشحات عالمداخن بتاعتها وتتنقل برة المدن ونوفر للمدن دى اماكن للعمال تكون مش بعيدة اوى ونوفر لهم وسائل العيش هناك وبرضه الغرامات والمكافئات

اما بقى نهر النيل دى المصيبة الكبرى لانه باظ خالص
مش هينفع نرجعه زى الاول
بس اللى نقدر نعمله نحافظ عالشويه الموجودين
برضه نظام المواقبين
والغرامات على السفن الكبيرة بتاعه البترول
والمصانع اللى بترمى المخلفات

طبعا كل ده مع اعلانات التوعيه
احسبها صح تعيشها صح

بس بجد قولوا لى اايه رايكم فى موضوع اعلانات التوعيه ده؟؟
بتاثر فى الناس فعلا ولا لأ؟؟؟


واحاول اعمل حملات للتشجير و الزراعه


ومازال التفكير مستمر
بس قولوا لى رايكم لحد دلوقتى بقى
تمام ولا استقيل
بدل ما اقيل بضم الالف

منورة الوزارة "rose"

وطبعا كرسي الوزارة اللي انت اخترتيه فاضي فمنحقك ان تجلسي علية وبكل شرف وهيبة

وطموحك فعلا وارد التنفيذ حاليا بس المشكلة الكبري اللي هتواجهك هو سلوك الناس
فمثلا انت اتكلمتي علي المتسول ,,,فانت مش هتمشي ورا كل "متسول "وتمنعية من التواجد في الاماكن الاثرية يعني انا اعتذر من اللي هقولة بس المتسولين مابيصدقوا وبالنسبة
للمخلفات وغيرة اكيد الحكاية دي في اهتمام ناس كتير حاليا وهتشغلك اكتر
والحمد لله الاماكن الاثرية من اكثر الاماكن نظافة



واهم حاجة انتي قلتيها هي الاعلان عن مصر وحضارتها والسياحة فيها
فمثلا بلاد المغرب العربي التي لاتمتلك ما تمتلكة مصر من اثار تتمتع بسياحة كبيرة ونشطة جدا علي عكس مصر وغيرة


المهم
وربنا معاك
وانتظري استلام الحقبية الدبلوماسية عن قريب

شكرا مصطفى على الموضوع الجاامد ده

هكون وزيرة الزراعه و الرى

اوسع مساحات الاراضى الزراعيه
و امنع اى مبانى تبنى عليها
اوصل الماء النظيف للاراضى الزراعيه بحيث لا يقل ولا يزيد عن الحاجه
نعطى الفلاحين اجور اعلى حتى لا يتركوا اراضيهم
يجب استصلاح الاراضى الصحراويه القابله للزراعه
وضع قوانين بحيث يتم زرع كل محصول فى وقته
يجب عدم الرش بالمبيدات المضرة بصحه النبات
يجب عدم جرف الاراضى الزراعيه

و طبعا الى يخالف اى من القوانين دى هتكون عقوبته غرامه ماليه عاليه حتى لا يستجرى احد على مخالفه هذه القوانين

و يارب اكون بكده وزيرة كويسه

لا ان شاء الله هتكوني وزيرة ناجحة "monali"

بس الغريب ان اي وزير بييجي بيفكر في الظاهري فقط
يعني مفيش اي حد من الوزارة الجديدة فكر في الشئ الباطني الي مش ظاهر للناس
يعني مثلا في مجال الزراعة والري

*و اكيد سمعتي عن مشاكل الفلاحين مع التشريعات المختلفة اللي بتعود بالضرر
عليهم يعني هي مش مجرد زيادة في الاجور
*ضرار استخدام طرق الري البدائية او القديمة وغيرها
* اكيد ابسط حاجة انك فكرت مثلا في محصول "قطن طويل التيلة " اللي كانت مصر مشهورة فية وفجاة الواحد معدش بيسمع عنة حاجة وغيرة من المحاصيل اللي الواحد عاد بيشفها بالصدفة

بس انشاء الله هتلحقي الكرسي وتنورية

برافو يا منى و يا شيماء بجد بداية موفقة جدا و ربنا معاكم

وشكرا مصطفي على التشجيع و المناقشة دي ..و ربنا يكرمك على المجاملة دي

و عندك حق فعلا اكبر مشكلة ممكن تواجه اى وزير هو سلوك الناس ...و لذلك انا قلت انى لازم انسق مع الليدر<وزير التربية و التعليم >بوضع الدروس و المقررات الخاصة بتوعية المواطنين باهميه السياحة لبلدنا
و كمان لازم انسق مع شيماء<وزيرة البيئة>لزيادة حملات الرقابة على نظافة الشوارع و البيئة و الشواطئ في مصر
و كمان لازم اتفق مع وزير الاعلام باهمية زيادة الاعلانات السياحية لجذ بالسياح و الترويج للسياحة في مصر ة توعية المواطنين باهمية السياحة
اما بالنسبة للمتسولين فلاسف دي مشكلة كبيرة جدا و مفيش رقابة عليهم بل و اعتقد انه يتم تشجيعهم على التسول اعتقادا بان السياح كلهم مليارديرات و دوري هو انى امنع تواجدهم و دي حلها موجود بس المهم هو اتخاذ القرار بمنع وجودهم
بالنسبة للدعاية عن مصر فده طبعا اهم سبيل لزيادة الحركة السياحية بمصر فمثلما اشرت الي المغرب و غيرها زي فرنسا فتلك البلاد معندهاش ربع المقاصد السياحية المتنوعة في مصر بس ميزتهم انهم عرفوا ازاي يروجوا للسياحة في بلدهم و ده اللي لازم نعمله و بسرعة

و شكرا ليك مرة تانية على التشجيع