فكره الموضوع جميله جدا ياعماد
اما بالنسبه لسؤالك فانا ضد الحب فى سن صغير لان ساعتها الواحد مبيقدرش يفرق بين االصح والغلط او معندوش الخبره الكفايه انه يحكم على الاشياء الحكم السليم بس برضه مفيش حد له حكم على قلبه والحب ملوش سن محدد
سؤالى للى بعدى برضه نفس السؤال

واللهى الحب كاد أن يكون أنواعا وأصناف فربما يحب المراء دون أن يدرى ولكن الحب فى مراحل الصبا أقصد مرحلة الصغر يختاف تماما عن مرحلة الكبر مثلا أنا كنت بحب بنت وانا صغير فكنت بحب بمفهوم الحب اللى أنا عارفه فى ذلك الوقت دا أنا بضرب مثل ولكن حاليا بالنسبة لى فالحب شئا آخر بمعنى مختلف بمعنى تكوين أسرة وأولاد وبيت ومسئوليه الخ...........
فالحب فى الصغر هو من ضمن الذكريات الجميلة التى يمر بها الأنسان ولو كان بيدى لرجعت لسن الصغر
أما سئولى فهو
إلى أى مدى ممكن يضحى المرء فى حبة ؟

هو مفيش غير الحب بس ولا ايه؟؟؟

هو حسب الحب لو حب للاباء الواحد بيضحى بنفسه من اجلهم زى ما هما بيضحوا بنفسهم من اجلنا.

لو حب ما بين الاصدقاء حسب نوع الصداقه.

والشخص اللى تلاقيه كريم بيبقه كريم دايما فى التضحيه كريم فى التعاون كريم فى كل شىء.

شكرا عماد على موضوع.

ايه رأيك فى الأعلام المصرى؟

على حد نظرى أن الأعلام المصرى عندى بنسبة 55% بيزيف الحقائق بئه زى ما بيئولوا ( مفرئتش سينا من سونيا ) وأنا مو وجهة نظرى الضعيفة خالص خالص جدا أن نسبة عالية جدا من الأعلاميين بيعملو وبيفبركرو مواضيع مغرضة فا ممكن يكون هو ده طريق من طرق البيع الرخيص لبعض منتجات القنوات وأنا لما بئول أعلام فأنا أقصد الأعلام المرئ لأن هو ده أبسط وسيله للشعب أنه يطلع علية من فقير لغنى مش هئول بئه الجرائد والشبكة المعلوماتية الانتر نت يعنى هنئول التلفزيون وخاصتا القنوات الخاصة.
فا أنا لى وجهة نظر فى هذا الشأن أيام أحداث أم دورمان بالسودان واللى حصل أنا صحيح كنت من ضمن اللى زعلانين من اللى حصل ولكن الأعلام بدوره حجم الموضوع وخلى الجزائر هى بالنسبة للشعب المصرى أسرائيل وللأسف هو كان فيه خطه بس يمكن الكل أو معظم الناس غفلانا عنه ويمكن الأعلام كمان كان غافل هذا الموضوع المهم إن بعض الأعلاميين فى مصر هم أعلاميين مأجورين من وجهة نظرى يعنى فية أعلامى قروى بيقبض مرتب من القناة اللى هو بيعمل فيها مبلغ ضخم عارفين كام ( 170000 ) جنية شهريا طيب ليه بيعمل ايه ما علينا دى أرزاق من الآخر ما بئتش تفرء ( سينا من سونيا ) كله بطيخ
ده هو رئيى الشخصى لو حد تانى له رئى غير رئيى يتفضل يكمل أو ينفى ما قلته ولكم حرية الرئى فهذا هو رئيك الذى يعبر عن شخصك ورئيك ليس له علاقة بأدارة المنتدى
اللى بعدى معاك كل الحق لو حبيت تتكلم عن الأعلام المصرى فا ايه رئيك ؟

والله ريى ان فيه اعلاميين محترمين وبينقوا الحقايق زى ما هى وفى بيبزفواها لمصاحهم الشخصية

بس رايى ان الاعلاميين المحترمين اكتر وكلنا عارفينهم وهم مشهورين ومعروفين باخلاقهم المهنيه

انت مع او ضد غلق معبر رفح؟؟