بسم الله الرحمن الرحيم
اولا الاعلام المصرى انا ملاحظ ان هو مضلل وبيحاول يعمل اى حروب اعلاميه
يعنى مثلا ايام ماتش الجزائر نازل علينا بالاغانى الوطنيه لحد ما معظم الشعب المصرى مش كله يعنى اللى مش فاهمين كويس معنى الروح الرياضيه بقى حاسس انها حرب واللى يقول افضل جنود هما المصريين ايه اللى جاب الكوره مع جنود وجيش . منتهى ذكاء والله.
حتى الجزائر كان ليها اخطاء فى اثناء الماتش طيب مسموح بيها ما الحكم هو اللى بيقول انذار اصفر واحمر هما اللاعيبه مالهمش ذنب .
كنت انا قلت قبل الماتش هنا على منتدى ماتش 90 دقيقه ممكن يعمل خلاف 90 سنه وده ليه يعنى؟؟؟
بعد الماتش والحمد لله بجد الاعلام نشر فى قلوبنا كراهيه الجزائريين وان هما اليهود بتوع اسرائيل.
اعتقد ان فى ناس كتير فاهميين ان الجزائريين ارخم خلق الله انا بجد ليا واحد صاحبى بيدرب فى نادى فى القاهره كان قاعد هناك اسبوع ايام ماتش مصر والجزائر فى مصر كان المسؤليين عن الفندق قالوا ليه هو و كل اصحابه بلاش يتكلموا مع جزائريين اللى فى الفندق كان هو اتكلم مع 5 افراد منهم بيقولى والله يامحمد ناس كانوا فى شده الاحترام معايا حتى بعد الماتش وخسارتهم وناس ظريفه عكس ما الناس متوقعه .
مش كل جزائريين كده .
اعلام مصرى مسيطر على العقول والشعب ماشى وراه فى كل حاجه بدون تفكير.
ياترى هيفضل فى خلاف بين مصر والجزائر؟؟؟؟وياترى لامتى؟؟؟
2_بعد الفوز بكأس افريقيا يقولوا ان الفراعنه كسبوا واللى يقول اهى لعنه الفراعنه بجد شىء كان مضحك جدااا .ناس فخوره وتقول احنا الفراعنه طيب الفراعنه دول كفره ما نقول احلى المصريين كسبوا حتى شكلها احلى والطف. مش مهم دى أراء عادى.
واحيانا الاعلام المصرى بيحاول يغطى على بعض اعمال الحكومه السيئه وميظهرهاش .
وكثير من القضايا العامه وغيرها نجيب قضيه ونقف حبه ضدها ونعمل اكبر موال وبعدين الاعلام يفلسع والناس تنسى.وتقول صباح الخير ياعم انت لسه فاكر؟هى القضيه خلصت علشان تقولى انت لسه فاكر؟؟؟
( يا أمة ً ضحكت من جهلها الأمم )موجهه الى الجزائر ومصر
عيب والله .. إحنا اخوان يجمعنا وثاق الإسلام ثم العروبة والدم
ده رد كنت قارئه من واحد جزائرى سبحان الله بيتهم الدولتين وعنده حق بجد الاعلام المصرى والجزائرى كان مضلل.
هقول كذا رد شوفته عجبنى
ايها الإعلام -المصري و الجزائري-قل كلمة طيبة أو اصمت
يا قناة نيل سبور ..يا صحافة مصرية يا جريدة الشروق الجزائرية
كلامكم .. قديحول إنسان طيب القلب الى انسان شرس يقسو حتى يغسل كل وسمات الطيبة من شخصه .
ويا شعب مصرالحبيبة وشعب الجزائر الغالية لا تصدقوا الإعلام انه يريدها فتنة من اجل الربح السريع
الهدف من هده الضجة هو إلهاء الشعوب عن حكامها .
احلى رد عجبنى بجد شوفوا
الله يخربيت المستعمرين ال وضعوا هذة الحدود الجغرافية وقالو دى مصر ودى السعودية ودى ليبيا ودى الجزائر مش كل هذة الارض ارض اسلامية عربية ولا اية ياجماعة الخير بقى الاجنبى قدر يفرق بينا بهذا الشكل الاليم اصحو ا يا عقلاء وشوفو مين العدو الحقيقى ال فرقنا0
الإعلام المصري أو الجرائد مصرية وكذلك الاعلام الجزائرى او جريده الشروق الجزائريه فهي تسعى وراء تكبير الأحداث
وتشويه العالم الإسلامي
بجد ردود تدل على ان صاحبها بجد بيهم وذو اخلاق ومعانى.
اتمنى ان محدش من مصر يكره جزائر بجد مش كلهم كده فى ناس ظريفه وبعضهم على فكره لسه بيتكلم عربى طبعا مش كله فرنساوى بجد وربنا يحببنا ويرجعنا لبعض وننسى كل المشاكل.
وياريت الكل فى الحقيقه ميجريش على ان الاعلام المصرى صادق فى كل شىء.
اتمنى موضوع يكون عجبكم واتمنى انكم تتلقوه بقلب رحب وسعه صدر.واتمنى مشاركه وياريت يكون كلام حلو عن بلدين لعل الله يصلح بيننا.
اى نقض من حضراتكم انا تحت امركم برضه.
السلام عليكم ورحمه الله وبركاته.
[1]
فى ضجه الاعلام
