س: هل صحيح إن كُتر السلام يقل المعرفة؟ ج : فيما عد السلام مع إسرائيل، كُتر السلام معها يعمق المعرفة والبيزنس. س : 60%منالرجال المصريين يشخرون وهم نائمون ما تعليقك؟ ج: ال 40%الباقون بيشخَّروا وهما صاحيين. س: ليه القانون لا يحمي المغفلين؟ ج:علشان يوفر فرص عمل للبلطجية. س: لماذا تحاول الحكومة المصرية إلغاء مجانية التعليم ؟ إلغاء مجانية التعليم؟ ج: علشان ماحدش بيتعلم ببلاش. س :القيادة السياسية تدرس مع القادة العرب فرص إحياء عملية السلام... ما تعليقك ؟ ج: أهي دي بالذات حاجة ماحدش يقدر يحييها غير اللي خلقها س :ليه سموها بلاد بره؟ ج: علشان بلاد (باره) بأولادها. س: 87% من الشعب المصري ساخطون علي الحكومة المصرية.. ما تعليقك؟ ج : ال 13% الباقون في بورتومارينا. س: إيه المشكلة في كتابة التاريخ عندنا ؟ ج: المشكلة أننا بنكتب التاريخ بنفس الطريقة اللي بنربي بيها أولادنا.مابنقولهمش الحقيقة، بنقولهم اللي إحنا عايزنهم يعرفوه س: 45% من المصريين مصابون بمرض السكر ما تعليقك ؟ ج : أدى اللى خدناه من (الحلواني) اللي بني مصر. س: ما تعليقك علي أن 65% من الشباب حاليا لا يمانع فى الزواج من امرأة مطلقة؟ ج: لا شيء يفوق الخبرة. س ليه فيه ناس هتروح النار؟ ج: علشان الزبالة بعد ما بتتلم لازم تتحرق. س :هل لك أي أقارب استشهدوا في الحرب؟ ج: لأ.. عندي أقارب استشهدوا في السلام ... السلام 98 . س: ما هي المسلسلات العربية؟
ج هى الضلع الذي حول مثلث (الجهل والفقر والمرض) لمربع س: لمن ستتبرع بأعضاءك عند وفاتك ؟ ج: أنا شخصيًّا سأتبرع بجسدي كله لأبحاث الخيال العلمى . س: ما تعليقك علي أن المصريين لا يتحدون إلا لما يكون المنتخب بيلعب؟ ج: الاستاد هو الحل. س: ما الدليل علي أن مصر بلد الأمان ج: الدليل إن الواحد بيتردد كتير قبل ما يدخل أي قسم شرطة س: ما رأيك في خط خدمة تفسير الأحلام؟ ج : هيكون أحسن لو فيه خط خدمة تفسير الواقع. س: بما تنصح أي طفل عندما يجد أباه وأمه (متخانقين ) ج: أنصحه بـ (إوعي تدي راسك لماما علشان تسرّحها). س :إيه الكلمة اللي ماتحبش تسمعها وأنت في أوضة العمليات؟ ج:يا خسارة. س :ما الفرق بين الزوجة المصرية والزوجة اللبنانية؟ ج: 30 كيلوجرامًا على الأقل س: بماذا ستجيب كمصري عند سؤالك عن عمرك فيما أفنيته بعد عمر طويل؟ ج: أفنيته في إشارة قصر النيل مستنيها تفتح، وفي صلاح سالم مستنيه يتحرك، وعلي كوبري أكتوبر مستني لما رئيس الوزراء يروَّح. س :لماذا يقال عن الشعب المصري إنه شعب فوضوي؟ ج: علشان بيكره ( النظام ) س: اذكر اسم شخصية عامة معروفة مابتكبرش أبدًا! ج: بكار .. س: ما رأيك في الرجل الذي تقع منه ساعة يده في التواليت؟ ج :سيقضي وقتًا زي الخرة. س: ما الصفة التي مازالت أصيلة في المصريين منذ عهد الفرعنة ؟ ج: حب الخلود.. وهو ما يبرر أن عدد أسماء الأحياء فى صفحات الوفيات أكثر بكثير من عدد أسماء المتوفين. س : ما أهم قاعدة موجودة في مصر؟ ج :أنه ما فيش قواعد لأى حاجه بالرغم من أن مجتمعنا مليء بالنماذج الجيدة فإنهم غير قادرين علي تغيير المجتمع الذي يعيشون فيه.. ما تعليقك؟ ج : بالظبط مثلما فشل الأسفنج في امتصاص ماء البحر الذي يعيش فيه.. الموضوع محتاج معجزة. س: ما الفرق بين الغناء زمان والغناء دلوقتي؟ ج: الفرق بين الغناء زمان والغناء دلوقتي زي الفرق بين أمير الشعراء وأمير طعيمة.
لنا با قية أنشاء الله دمتم فى حفظ الرحمن
توقيع :emadelmansy
إن مرت الايام ولم تروني فهذه مشاركاتي فـتذكروني
وان غبت ولم تجدوني أكون وقتها بحاجة للدعاء فادعولي
[1]
أختبار ذكاء المواطن المصرى 
