موضوع فعلا مهم اووى

وللاسف بيسبب مشاكل كتير لافراد الاسره
لان طبيعى كل الاجهزة والتكنولوجيا مش هتغنى عن حاجتهم لاسرتهم وللنقاش وحل المشاكل


وطبيعى ان افراد الاسره لو حتى مش عارفين يجتمعوا
عالاقل يحددوا معاد يوميا يجتمعوا فيه


لان مش ينفع افراد اسرة واحدة ايشين فى بيت واحد يقضوها مع بعض ايميلات و موبايلات

بس للاسف ساعات الظروف بتحكم بقى
يكون الاب فى الشغل لوقت متأخر والاولاد بيكونوا ناموا

فبتحاول الام تقوم بالدور ده لوحدها

وبرضه يحددوا معاد يجتمعوا فيه ولو اسبوعيا يعنى

شكرا ليدر عالموضوع الهاااام

شكرا شيماء علي متابعتك وتفاعلك وابداء رأيك لكن مهما كانت الدنيا زحمة بالمشاغل والدراسة

والعمل لازم يكون في وسط الزحمة مكان للاسرة يتكلموا ويناقشوا مشاكلهم يعني لازم يكون في

لغة حوار والباب يبقي دايما مفتوح بين افراد الاسرة علشان مينفتحش باب تاني من برة الاسرة

والله اعلم الباب الخارجي دا هيفتح علي ايه !!!

شكرا (mr leader ) علي الموضوع
اللي فعلا بيحتاج لنقاش طويل
بس للاسف العيب والخطا ((من وجهه نظري)) مهما طول الحوار هيعود علي رب الاسرة وبالتالي علي الاباء عموما

علي حسب التربية او نظام الحياة الي ان اسسه رب الاسرة سواء الام او الاب
فهناك عائلات تعودت من الصغر علي الترابط علي الحوار وحتي علي الديمقراطية في ابداء الافكار والنقاش حتي وان غلب عليها اي مظهر من مظاهر السيادة في الراي

فالاباء هم من بيدهم تجميع افراد الاسرة ..فتح الحوار بينها...الفكاهة الجماعية...
هم من بيدهم كل شئ تقريبا
فاذا تربي الابناء من الصغر علي الترابط اعتقد وبنسبة كبيرة ان من الصعب ان يكبر الابناء ويتلاشي ذلك الترابط وبالتالي لن يوجد ذلك الخرس والصمت الاسري

..........................................................
افتكر وانا بكتب الرد دة مثل او حكاية بسيطة جدا والله تافهة بالنسبة للترابط الاسري
(في مرة كنت في درس خاص والاستاذة كانت جت بدري عن المعاد فاعدنا انا وبعض زمايلي عليبال ما شخص ييجي..المهم. ان مش فاكر كان في حوار ايه بس وصلنا في النهاية ان انا بقول
ان مامتي بتستناني انا واختي او انا ومامتي بنستني اختي علشان كلنا ناكل مع بعض او العكس .ولو بابا موجود علي الاقل لازم ييكون انا او اختي موجدين لو احنا هنتاخر برة علشان نبدا ناكل
ما ينفعش كل واحد ياكل لوحة

لقيت اللي في الدرس والاستاذة استغربوا ؟؟؟
يعني ابسط حاجة ممكن تتجمع فيها الاسرة حتي ولو هنستني بعض لوقت متاخر
وتتكلم ونحكي علي اللي حصل في يومنا او غيرة او يبقي في ترابط
الناس مستغرباها

للاسف دة دليل بسيط ان الاباء هم السبب في ضياع الترابط ,الحوار,ويبقي في حاله من السكون التام

المشاركة الأصلية كتبت بواسطة: سمير محمد مصطفى نعم يااستاذنا خرس اسرى...فغالبيه الاسر العربيه اصبح افرادها عباره عن قنابل موقوته.فالاب هو الحاضر الغائب.والام صارت ضيف شرف..كل منهما يعيش فى ملكوته...والابن بمجرد ان يشعر انه كبر شويه اصبح ندا لابوه..والام احيانا تكون متصابيه وتغار من ابنتها....والاخ يحادث زميلته فى الجامعه او بنت الجيران على الموبايل اكثر مما يحادث اخته بالبيت..وفقدت لغه الحوار بين الاب والام وبين الاب والابناءالاحترام الذى اوصانا به الله...حتى جهاز التلفزيون الذى كان يلتف حوله كل افراد الاسره فى المساء اصبح كل فرد لديه جهاز يجلس امامه فى غرفته بعيدا عن اهله حتى لايقطعوا حبل افكاره..واصبحت البيوت عباره عن لوكاندات نوم ياوى اليها النزلاء فى المساء.....وعلى الترابط الاسرى السلام............................................................................................ استاذى:ان الموضوع طويل ومتشعب وله اسبابه واعراضه واساليب لعلاجه وسنعود لنفتح هذا الملف الشائك بعد انتهاء ابنائنا من الامتحانات ولك تحياتى...

اخي سمير انت فعلا عرضت الموضوع من زوايا متعددة وكأنك كنت محضر للموضوع وانا فعلا اوافقك الرأي علي معظم النقاط التي عرضتها واعتقد من وجهة نظري ان اهم سبب في الموضوع هو غياب الاب بروحة وبذلك غابت معالم اخلاقية كثيرة

شكرا وللحيث بقية