حاول العميد سعيد عمارة، مدير مباحث مديرية أمن الدقهلية، مساء السبت، تفريق المتظاهرين المعتدين على قوات الأمن المسؤولة عن تأمين مبنى المديرية، مؤكدًا لهم أن نقل تظاهراتهم من ميدان الشهداء أمام مبنى المحافظة لمديرية الأمن والاعتداء على القوات يعد من أعمال الشغب ويضعهم تحت طائلة القانون.
وخاطب «عمارة» عددًا من المتظاهرين بقوله: «كلكم قد ولادي ولا هاتقدر تعمل حاجة، ولا هاتقدر توصل صوت، وممكن ناس تنضرب ولا قدر الله تموت ومفيش حد هايتحبس، لأننا بندافع عن مكانا.. يا بهوات افهموا، أرجوكم افهموا، فيه ميدان هناك تعبر فيه عن نفسك، لكن لو جيت هنا حطيت نفسك تحت طائلة القانون، ونقلت مظاهرتك من سلمية لشغب، وطالما جيت عند مديرية الأمن وحبيت تحدف طوبة عند مديرية الأمن بقيت مشاغب، هتتاخد وهتتحبس، وعلشان تبقى فاهم هتحدف طوبة هتنضرب غاز».
وأضاف «عمارة»: «إنتوا 100 مرة جيتوا عند المديرية بطريقة سلمية إشمعنا دلوقتي جايين تحدفوا طوب؟»، مشيرًا في رده على اتهام أحد المتظاهرين بأن الأمن يحمي جماعة الإخوان المسلمين، قائلاً: «أنا مليش دعوة بالإخوان، يا رجالة إحنا ولاد وطن واحد، والله لو اللي إنتوا بتعملوه ده هيجيب نتيجة إيجابية أنا أؤيدكم وأساعدكم».
بالفيديو مدير مباحث الدقهلية يحذر المتظاهرين
httpv://www.youtube.com/watch?v=B84ZvY8-UgA
