بَطْلْ .. كمل … اتحدى ,, طيب خاطر

بَطْلْ .. كمل … اتحدى ,, طيب خاطر

• ماشي …. حاضر ….. موافق ,,,, خلاص ,,,,و متزعلوش ,,,, لا مفيش حاجة ,,,,,,, عادى :\ …. اه  معلش .

ها قولت الكلام ده كلو خلاص !! لسة فيه حاجة متقالتش ؟!! طايبت خاطرهم ×_×

طب انت مين طيب خاطرك ؟! مين قالك كده ؟! مين ساندك و ساعدك عشان توصل للى انت فيه ده ؟!!

مين اتفرج عليك من بعيد و قالك معلش بس اعملك ايه اصل معنديش حل :\

ها اتصرفت و حليت الموقف ؟! انت مين اصلا فى حياة الى قدامك ,,,  اقولك ؟!!!

انت فى نظر الى قدامك هى الشخصية الى بتكونها فى خياله .. اصلك ممكن تحسس الى قدامك انك عظيم اوى و تعمل عشانه المستحيل او حتى تكون حقير اوى لانك هنته كتير .. خلى بالك انت الى بتصنع نفسك فى عيون الاخرين 🙂

اوعى تستنى تقدير او حتى شكر من حد لانك هتفضل مستنى كتير .. فكر فى الى بعده و حاول تعمل مشروع جديد اصل الحياة دى قصيرة مهما عشت فيها

افتكر الى بيحبوك بجد لذاتك و الى ياما ضحوا كتير عشانك و متجريش ورا ناس فى اول مطب هيجرو و يسيبوك دور على الى بيحبوك

دور على نفسك .. دور على موهبتك على ابداعك على اخلاقك على دينك !

دور و متوقف ابداعك حاول تكون انت مش الشخصية الى بيحولوك ليها

بَطْلْ ؟! .. ايوه بَطْلْ تسمع لكلام الناس الى لا بيودى ولا بيجيب بَطْلْ تدوش نفسك و الى حواليك بحاجات مش فى حياتك

مهما غلطت او الى حواليك غلطوا حتى لو الغلط ده فيك حالو و لو لمرة تسامح , اصل كلنا بشر و لازم نغلط و نحاول نصحح الغلط

أعترف انك انسان و تغلط و تتوب مش ملاك و باقى الناس شياطين

اصل محدش كامل من البشر الا سيدنا محمد عليه الصلاة و السلام