شكرا يا رحمة على الموضوع الجميل
اولا: اشكر ربنا على كل النعم اللي وهبهالي
ثانيا: اشكر جدي اللي علمني معنى الرحمة و الحب و كان اول انسان برضه يعرفني يعني ايه موت و فراق و حزن انا عارفة ان انا بكلم عن جدي كتير بس هو فعلا يستحق مني اكتر من كده انسان عظيم اقل حاجة ممكن اعملهاله اني ادعيله بالرحمة طول حياتي
ثالثا: اشكر بابا و ماما على تربيتهم ليه غرسوا جوايه الثقة بالنفس و الطموح و الله انا مش بمدح في نفسي بس اصل انا في يوم من الايام كنت زعلانة جدا و فاكرة انهم مش مهتمين بيه لكن دلوقتي عرفت انهم كانوا السبب في تكوين الشخصية القوية اللي جوايا علموني الاعتماد على النفس و اني اخد قراراتي لوحدي و برضه اتحمل نتيجتها لوحدي
رابعا: اشكر كل انسان ساعدني و علمني
معلش طولت عليكوا شوية بس انا بجد نفسي اشكر كل الناس اللي عرفتهم لاني الحمد لله شفت الخير منهم كلهم
أنا كل يوم ناس بتساعدني....ناس لا اعرفها و لا عمري شفتها بس بيساعدوني من غير نظير...
انا عن نفسي بشكر كل انسان ان شاالله لو واحد سألته الساعة كام و قالي...لو تاكسي وقف ليا الساعة واحده الضهر في عز الحر و وصلني البيت
فما بالكم بمن بذل حياته من أجلي و ما زال...
انها أمي ......ان كنتم معكم الآن على النت اتصفح أو ارد او اضع مواضيع فلأنها اعتنت بي منذ الصغر و وفرت لي هذا الجهاز منذ سنة 98
ان كنت في كلية الطب فلأنها هي كانت دائما سبيلي الأول للتفوق و معيني الدائم و مستشاري الأول و ما زالت
ان كنت أحب ديني و اريد له العزه فتربيتها لي هي من جعلتني هكذا .......أذكر جيدا يوم أن علمتني الصلاه و أنا أسالها لماذ نركع في الصلاة و ايه حكمة السجود...و هي ترد عايز تعرف...و انا ارد ايوه قالتلي هجيبلك اللي يقولك......و جابتلي في البيت شيخ حفظني في سنتين 10 أجزاء
كان عندي ساعتها كدا 9 سنين و لا حاجه و انا دلوقتي عندي 18.............فضلت ورايا لحد محفظت 19 جزء لحد الآن.............ربنا ميحرمني منها يا رب
هقول ايه و لا ايه عن امي لا يوجد ما يكفيها حقها فعلا ساظل اسرد ما فعلته طويلا
[1]
شكر على الملأ
شكر على الملأ
