شكرا لمرور حضرتك (أ/رحمة)

اقتبـاس ،، محظورة ولا مش محظورة

زي اللي ماسك وردة وهو وحظه (محظورة ولا مش محظورة)

طبعا دا ازدواجية في التفكير السياسي ببساطة لو محظورة يبقي ملهاش اي دور ومصيرهم كما تعلمون.

ولو مش محظورة يبقي مفيش داعي للقب اللي اتلزق فيهم ...

عايزين خبير القاب يقولنا ويفهمنا (محظورة ولا مش محظورة) ولا في لقب محظورة كدة وكدة

شكرا لمرور حضرتك mr leader وعلي تعليق حضرتك

ومن رايي ان الموضوع سهل

هي محظورة من حيث الرسميات واصول السياسة
بمعني انه ليس هناك حزب يسمي الاخوان المسلمين لدي اوراق الدولة وغير معترف بيها في اي اجتماع للاحزاب
ولكنها واقع علي الساحة كجماعة لها انشطتها وكيان يمثل اكبر نسبة من المعارضة في الشارع المصري
ولها تاثير علي الفكر والحراك السياسي المصري

اختلاف الراي لايفسد للود قضية


شكرا لمرورك (easo) بجد عجبني رايك

ولكن ااسف اني لن ارد الان او اعلق علي كلامك الرائع
ليس عجزا مني عن الكلام
ولكن حفاظا علي اسلوبي بل لكي يكون كلامي مقترن
بما يخدم موقفي وموضعي بشكل صحيح
ولان رايك يفتح لي نقاش من نوع اخر اما انجح فيه او افشل

شكرا ليك مرة ثانية وانتظري تعليقي

ردود مفقودة (نتيجة لتعديل النسخة )

اقتبـاس ،، easo

براحتك خاااااااااالص
الوقت اللى تحبه


moustafa refaat

بالنسبة لتعليقي علي كلامك (easo)
معلش هو هيكون طويل شوية علشان كدة انا هفصلة في ردين مختلفين

اولا
بالنسبة لكلامك

اقتبـاس ،، ماحدش فيهم فعلا انكر ان اللى اغتال انور السادات كان منهم بس برضه حضرتك هم انكرو على اللى عمل كده لانه ماخدش رأى الجماعه وطلعوه من الجماعه وقتها يعنى بمعنى اصح الجماعه ماكنتش تعرف اى حاجه عن الموضوع

كل اللي هقولة في النقطة دي ان لو تفتكري من فترة بسيطة احد اعضاء الحزب الوطني اعطي تصريح في مجلس الشعب ان لازم فتح النار علي كل معارض (عضو شمال سيناء )
والدنيا قامت ازاي يقول كلام زي دة محدش قال ان فلان الفلاني قال كذا
لا قالوا ان فلان من الحزب الوطني قال الكلام دة والكلام التصق بالحزب علي الرغم ان مش هم اللي قالو
بمعني ان لو اي حد انفصل بتفكيرة او في فعلة عن حزبة او جماعتة و عمل حاجة خطا نقول لا دا مش مننا احنا منعرفوش لا الفعل بيتصل بيه وبالكيان اللي بيتبعه
.............................................................
ثانيا
بالنسبة ل

اقتبـاس ،، وحكاية خلطو السيايه بالدين يعنى ايه؟؟؟؟؟؟؟؟؟؟ ما فكرتش مره يعنى ايه ؟؟؟؟؟؟؟

انت ممكن تكني فهمتي المقولة دي خطا شوية
طبعا قبل ما اتكلم كلنا عرفين ان الدستور المصري 2 مادة فيه بتقول
المادة (2)
الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.

امال انا قصدي ايه بكلمة دمجوا السياسة بالدين وبالتالي جعلها جماعة مرفوضة التكوين
انا قصدي واللي كلنا المفروض عرفينة من واحنا لسة في المدرسة
ان هم كانوا بيطلبوا تكوين حزب ذا مرجعية دينية او بمعني ان اساس تكوينة هو الدين الاسلامي
او توضيحا اكثر حزب كل اعضاءة من الاخوة المسلمين ذات تفكير ديني اصيل
وبالتالي مع قيام حزب علي مرجعيه دينية
معناه في المقابل ان الاخوة الاقباط لازم يطالبوا بحق المساواة في نفس الفكرة
وبالتالي تنتقل مصر من بلد الامن والامان والوحدة الوطنية الي بلديشوبة التعصب والانفصال
وكصورة توضيحية
الحروب الاهليه في البلاد متعددة الطوائف والجماعات
.....................................................

انا لسة ما خلصتش تعليقي خالص دا انا كدة لسة بسمي
اتمني ان يكون عندك طولة بال

easo

اولا استاذ عماد الكل عارف ان الحزب الوطنى فاتح فعلا كل اى حد معارض للحكومه سواء اخوان او غيره بطرق مختلفه منها القوانين اللى بتصتنع ومنها الا عتقالات ومنها التشويه الاعلامى لاى حد غير من الحزب فالكلام اللى انت بتقوله ده مش جديد لانه معروف من الحزب كله مش من واحد بس زى ما حضرتك ذكرت
وبعدين على كلامك احكم انا على اى مجموعه فى الدنيا عشان شخص فيهم مع انهم معترفين انه مش منهم على سبيل المثال المسلمين يعنى فى ناس فيهم بتقتل ابرياء وتسرق وتنهب ............... الخ هل غير المسلمين يحكمو على المسلمين كلهم انهم بالنظام ده مع العلم ان طبعا اللى بيعمل كده ما بيكنش مسلم ده مش كلامى ده دينى هو اللى بيقول كده
او مثلا اخو حضرتك سرق او قتل بعد الشر يجى الشرطه تقبض عليك انت عشان هو اخوك وانت اساسا مالكش دعوه بالموضوع اساسا؟؟؟؟؟؟؟؟
بيتهيألى ان الاسلام هو دين الدوله مش كده فليه لو جماعه من الناس عايزه تحاول تحيا دينها صح انك تقلهم لا كان بالاولى ان الاسلام مايكونش دين الدوله ده لان كده المسحيين مش هايبقو متساويين ده على حد كلامك
وبيتهيألى برضه ان اللى حصل فى اسيوط بين المسلمين والمسحيين الاخوان مش داخلين فى الموضوع نهائى يعنى الموضوع موجود ومش الاخوان هى اللى هاتكون السبب فيه
والحمد لله انا عندى طول بال جدا مع انى عصبيه وارجو من حضرتك تكمل كلامك


moustafa refaat
معلش اتاخرت في تكملة ردي بس والله الجهاز بتاعي في مشكلة ومجنني
...........................
المهم
بالنسبة لعمليات التخريب الناجحة او غير ناجحة اللي انا اتكلمت عليها وما ذكرتش منها حاجةوانت ماسمعتيش عنها حاجة

علي سبيل المثال
(ما سيتم عرضة من امثلة هو ليس من اقوالي انما هو منقول من العديد من المواقع والصحف واذا احب القارء معرفة اسم الموقع لا يوجد اي مانع)
اولا من الامثلة التي تم عرضها في الصحف المعارضة .اي ليست مواليه للحكومة

21 أكتوبر 1992، حيث قتل سائح بريطانى قرب ديروط بمحافظة أسيوط، وأعلنت الجماعة الإسلامية مسئوليتها،

* 27 سبتمبر 1994، قتل ألمانيان ومصريان فى منتجع بالبحر الأحمر، وتم القبض على منفذى العملية، وهما عضوان من الجماعة الإسلامية، وتم إعدامهما فى 1995.

* 18 أبريل 1996، قتل 18 سائحا يونانيا وأصيب 14 بجروح فى هجوم على واجهة فندق أوروبا قرب أهرام الجيزة، وتبنت الجماعة الإسلامية الهجوم، وقالت إنها استهدفت سياحا إسرائيليين.

وغيرها من العمليات التي توسعت تلك الصحيفة بالكتابة عنها

ثانيا بالنسبة للعمليات التي التصقت بها الاخوان المسلمين
امثلة من مواقع قبطية

في مايو 1996 حرقوا دير القديس مارجرجس بقنا.. جريدة الوفد 26/5/1996 م.

إلقاء قنبلة على كنيسة مارجرجس سبورتنج في قداس يوم 17 يناير سنة1980.
الهجوم على كنيسة مارمينا بالإسكندرية والقبض على الكهنة وبعض من الخُدّام سنة 1991
[/font]
[font=Arial Black]
وغيرها من الاحداث ما نستطيع الحديث عنه


مواقع اخري

والله اقتبست منها الكلام نصا

اقتبـاس ،، القاهرة – فلسطين برس – أدرجت نيابة أمن الدولة المصرية أسم القيادي الدموي في حركة حماس الخارجة عن القانون في قطاع غزة نزار ريان كأحد المتهمين الرئيسيين المطلوبين في قضية تمس الأمن القومي لجمهورية مصر العربية تعاونت فيها حركة حماس وجماعة الإخوان المسلمين المحظورة في مصر.
وتتعلق تلك القضية التي كشف النقاب عنها قبل نحو شهرين بقيام عناصر من ميليشيات حماس بمساعدة من الأخوان المسلمين المصريين بشراء طائرة بدون طيار بغرض تحمليها بالمتفجرات ومهاجمة أهداف في مصر لم تحدد، حيث اعتقلت أجهزة الأمن المصرية عددا من المتورطين في هذه القضية وعلى رأسهم الدكتور عبد الحي الفرماوي القيادي البارز في جماعة الإخوان المسلمين

*/حادثة الاتوبيس السياحي بالاقصر

بجد انا زهقت من عرض تلك الجرائم وعمليات التخريب
بس لو انت عندك طولة بال وصبر كفاية ممكن تلاقي اكتر من دة بكتير كل اللي عليك انك تدخلي علي مواقع البحث المختلفة ايا كانت جوجل او غيرة
وفكري وانت هتلاقي كلام كتير ومش كلام مواقع او صحف حكومية لا كلام صحف المعارضة المصرية والغير مصرية
ولو معندكيش طولة بال عادي ممكن في مرة من المرات ابقي اكتب موضوع عن العمليات الارهابية اللي الاخوان نفذها
..........................................................
ثانيا بالنسبة لتعليقك علي الحوار اللي دار بيني وبين شخص قابلتة او عن صديقي

بالنسبة (للشخص اللي كان عند الشؤن) الحمد لله انا شخصية متفتحة علي الناس وعمري ما صديت حد وهو بيتكلم معايا واكيد مش اي حد يقول ان هو سني يبقي من الاخوان


فللاسف لا استطيع التعليق لان كونك داخل الحدث يختلف تماما عن كونك مجرد مستمع ليه
ولكن عتقد وبنسبة كبيرة جدا انك لو مكاني مكنتيش علقتي علي النقطة دي


في النهاية انا اخطات في نهاية موضوعي لان انا وصفت الاخوان بان تفكيرهم محدود
لا هي الحقيقة تفكير المبتدا فيهم تفكير محدود يقف عند حد الشكليات او المظاهر
اما الكبار منهم ذو العقول التدبيرية ..........!




moustafa refaat

في النهاية لو انا نسيت اعلق عن حاجة ياريت توضحيها ليه وانا هرد عليها علي طول

ولو مستمرة في النقاش فانا موجود في اي وقت
واختاري اي اتجاه تحبي تتكلمي عنه عن الاخوان
انا وجهه نظري واضحة وصريحة ومعنديش اي مانع للكلام عن اي شئ
وشكرا ليك مرة تانية (easo )


shimaa

بجد الموضوع رائع
وانا معلوماتى عن الموضوع ده متواضعه شويتين

و عرفت حاجات كتير و حاجات كتير اتضحت لى

و شكرا عالمناقشة فعلا استفدت منها
و ارجو الاستمراااااار


easo
شكرا شيمو وان شاء الله هارد على استاذ مصطفى بس حاليا مش هاعرف لانى مشغوله بحاجات كتير وردى عايز كلام كتير وقت تانى بإذن الله

منورة الموضوع shimaa واتمني ان فكرة الموضوع تكون وصلتك بشكل حيادي
واهم حاجة لازم تكوني عرفاها ان اي كيان او جماعة او حزب فيه السئ وفي الخير او الجيد

.........................
easo
منورة الموضوع تاني وبجد شكرا ليك انك بتحاوري بشكل ايجابي