شرف يعلق على الانتخابات: من أجل هذا اليوم تحملت ما لا يطاق.. ونشطاء: كفاية أونطة .. اللي اختشوا ماتوا
| November 28, 2011 |
ناشط : روح أقول الكلام دا لمالك مصطفى واحمد حرارة .. وأخر: عيب تقول على المشير ما لايطاق دا رئيسك المباشر برضو يا اخى كفاية كلام اونطه شبعنا منك بقى … كفاية ضحايا محمد محمود ايدك هتفضل غرقانة بدمهم للابد يا ظالم تعليق : دم 45 شهيد في رقبتك روح استغفر ولا أركن على جنب ونقطنا بسكاتك .. وآخر : وشهداء ماسبيرو و المعتقلين ناشط : الدمعة هتفر من عيني .. وأخر : بتحط نفسك في مواقف باييييخة .. وثالث : علي النعمة أنا اتخضيييييت مكنتش اعرف انك فقدت عينك واخواتك ماتوا قدامك واتسحلت من الامن المركزى واتضربت من الشرطة العسكرية كويس انك قولتلنا
أثارت تويته قالها عصام شرف رئيس الوزراء السابق على تويتر ردود فعل غاضبة بين مستخدمي تويتر وبدأت حملة ردود ضد شرف كلها تنتقده وتحمله مسئولية ما حدث بالتحرير ومسئولية الهجوم على الثورة ففيما قال شرف في حسابه على تويتر : من أجل هذا اليوم تحملت مالا يطاق.. شكرا للشعب المصري الذي أنجح الانتخابات .. ورد النشطاء ” دماء الشهداء في رقبتك “.. وقال أخر ” مكنتش اعرف انك فقدت عينك واخواتك ماتوا قدامك واتسحلت من الأمن المركزي واتضربت من الشرطة العسكرية كويس انك قولتلنا” فيما قال أخرون ” صحيح اللي اختشوا ماتوا
- يا اخى كفاية كلام اونطه شبعنا منك بقى … كفاية ضحايا محمد محمود ايدك هتفضل غرقانة بدمهم للابد يا ظالم
- روح أقول الكلمتين دول لمالك مصطفى واحمد حرارة
- فيه دم ناس كتيييير في رقبتك هتقول لربنا عشان الانتخابات برضو
- اللي انت بتقول عليه لا يطاق ده ولا حاجة لما ربنا يحاسبك يوم القيامة على دم الشهداء اللي ف رقبتك
- الدمعة هتفر من عيني
- ما يصحش تقول على المشير لا يطاق دا رئيسك المباشر مهما كان
- دم 45 شهيد في رقبتك .. روح استغفر .. ولا أركن على جنب ونقطنا بسكاتك
- هو لسا ماسلمشي الأكاونت ليه الأخ ده هو مش عهده؟
- تحملت مالا يطاق حلوة دي .. قصدك الشتيمة على تويتر
- ربنا ما يسامحه لإن كل الدماء دي ف رقبته
- محدش ضيعنا غيرك بضعفك منك لله
- حسبي الله ونعم الوكيل.. إلى الجحيم
- جزاك الله خيرا يا دكتور كانت تركة قبيحة وتعاون كل الأوغاد لإفشالها
- علي النعمة انت اتخضيييييت
- تيرارارارارارااااا موسيقى جنائزية حزينة
- دم كل شهداء إعلامه في رقبته، استقالاته الهزلية ورفضها نصبا على الشعب في رقبته
- تقدر تتكلم وتقول اتحملت ايه! انزل التحرير واتكلم الثورة تستحق منك اعتذار ثم توضيح
- طيب احكي لنا ليه كل اللي حصل وليه ضيعت فرصة تارخية تنقذ بيها مصر؟؟؟؟
- من أجل هذا اليوم تحملناك نسألك الرحيل وكفاية ارحمنا لإن ده كثير علينا قوي
- ربنا ينتعك بالسلامة يا حيلتها
- لا شكر على واجب.. لكن ممكن نعرف ماذا فعلت من أجل هذا اليوم؟
- اللي اختشوا ماتوا
- إنها لا تعمى الأبصار ولكن تعمى القلوب التي في الصدور
- هههه يا رب يكون بيقرا المنشن
- مع احترامي لك وارفض من يسبك ولكن حضرتك كنت رئيس وزراء ضعيف
- على فكره انت اللي بتجيب الكلام لنفسك
- ومن أجل هذا اليوم فقد المئات حياتهم
- هو مش حاسس ان عليه مسئولية جنائية عن كل اللي ماتوا في الـ٩شهور اللي فاتوا؟
- جزاك الله خيرا وتقبل منك
- تحملت الكثير… هو انت كنت صاحي كام يوم من أيام الثورة؟
- فكك
- والله الواحد ما عارف يرد يقول ايه؟ انت لسه بتتكلم؟ روح يا شيخ الله يسامحك
- حاول تستغفر واركن على جنب
- من أجل هذا اليوم غضيت بصرك انت ومجلسك ٥ ايام يذبح فيها شباب مصر في محمد محمود
- انت مصدق نفسك؟
- أحمد حرارة وأم مينا تحملوا ما لا يطاق… أنت تخاذلت حتى عن الإصرار عن قبول استقالتك
- شكرا لك يا دكتور على كل ما قدمته فانت من انزه وانقى من تولى المسؤلية فى مصر وسيقيم التاريخ كل ما قدمته لمصر
- لا يا راجل و جاي على نفسك أوي كدا ليه
- من اجل هذا اليوم مات شباب مصر و فقع اعينهم يا دكتور مش حضرتك اللى فضلت واقف تتفرج و الثوره بتسرق و وﻻدنا بيتقتلوا
- ونحن نشكر سعة صدرك فى تحملنا بكل مشاكلنا كنت الافضل
- اهو مولد وصاحبه استشهد
- من أجل هذا اليوم اعتصمنا طويلا فى التحرير وذهبنا كثيرا الى استقبال القصر و ثلاجة زينهم المجد للشهداء
- ٤٥ فقط دا دول و ضحايا ماسبيرو و الشباب اللي زي الفل اللي مرمي في السجون الحربية دا في رقبتهة بلاوي
- المجلس العسكرى ظلمك و جعلك فى موقف صعب
- بتحط نفسك في مواقف باييييخة
- انت قاتل
- مكنتش اعرف انك فقدت عينك واخواتك ماتوا قدامك واتسحلت من الامن المركزى واتضربت من الشرطة العسكرية كويس انك قولتلنا
