رامى عصام اغنية يوم 25 يناير
كلمات: امجد القهوجى - الحان:رامى عصام |
زي شهيد صاحي ولا يموت بيصحيكي بعلو الصوت
عمر أمانك واستقرارك ما يكون سجن ف قلب تابوت
قومي يامصر السكة طويلة عدت سنة مجنونة بخيلة
اوعي تهاودي الظالم ياما اوعي تعدي عليكي الحيلة
يوم 25 وعشرين الماضي مش مرتاح لسه ومش راضي
مش عارف يتزوق عيدك قبل مايسمع حكم القاضي
جاي لك بعد السنة ماتعدي لساه غضبان كلو تحدي
ويقولك لساه جوايا نفس الحلم الصافي الوردي
ازاي أصبح لجلك عيد ازاي والحرية بعيد
لسه الحكم ف ايد العسكر لسه ف أرضك عبد وسيد
يوم 25 وعشرين الماضي مش مرتاح لسه ومش راضي
مش عارف يتزوق عيدك قبل مايسمع حكم القاضي
