- الصفحات
- مكتبة الميديا
قصص ومآس انسانية تهز القلب وتزلزل الوجدان حزنا علي رحيل شباب في عمر الزهور مشهد شقيقة الشهيد أحمد يوسف نصر15سنة أقصي من أن يوصف فقد رحل عنها توءم عمرها ورفيق حياتها والنصف الثاني منها وراحت تصرخ بأعلي صوتها صوروني علشان يشوفوا عملوا فينا ايه.. قتلوا أخويا الوحيد التوءم وتركوني بنصف روح ونصف عقل ونصف جسد ـ هاتوهم يموتوني أنا كمان مقدرش أعيش من غيره وراحت تتساءل في ذهول ممكن حد يعيش بدون روح.. هاتوا لي أخويا أو حطوني معاه في النعش ـ لما أنام بجواره روحه هاترجع له.. أصل أنا توءمه وممكن اقسم روحي معاه.. وراحت تصرخ وتنادي عليه بأعلي صوتها وهي تقول البلطجية اللي قتلوا أخويا ضربوني قبله بثواني قبل انتهاء الماتش بثواني وأنا قاعدة أمام التليفزيون حسيت ان واحد ضربني بحديدة علي رأسي وضلوع صدري, وكأن روحي خرجت مني صرخت بأعلي صوتي وقلت حبيبي ياخويا مين بيضربك وبيضربوك ليه وفضلت أصرخ وأبكي لحد ما خرجت ماما من غرفتها وقالت لي مالك أنتي اتجننتي بتصوتي ليه علي أخوكي أنت بتفولي عليه.. بعدها بثوان بدأت المذبحة في الاستاد وقلت لهم أخويا مات من غير ما أعرف أي حاجة.. أما والد اسلام ووالدته وشقيقته الصغري فتعجز الكلمات عن وصف حالهم فالوالدان فقدا الابن الوحيد لهما ذا الخمسة عشر ربيعا ـ طالب الثانوي المتفوق ـ وانقطع سلسال الاب من جذوره لنؤكد للقتلة أنهم ذبحوا أجيالا ولم يقتلوا74 شخصا فقط.
