بسم الله الرحمن الرحيم
انا ملازم أول "محمد طارق الوديع" دفعة 99 حربية خريج سنة 2005 سلاح المشاه، إتشرفت أن خدم
تي كانت كلها في وحدات الصاعقة، وآخر خدمة ليا كانت في الوحدة 777 قتال، خدت فرقة خاصة زي السيل ومحاربة الإرهاب وكنت معلم فيها وإتشرفت طبعاً إني أتدرب في هذه الفرقة او اكون معلم فيها، وإتشرفت اكتر إني لابس أفرول لمحاربين ابطال زى الشهيد إبراهيم الرفاعي آمين شهداء حرب أكتوبر، وناس كتير لبس الأفرول دة في الصاعقة انا محلمشى أكون ربعهم، أنا مش عامل الفيديو دة عشان خاطر أوجه حد لحاجة معينة أو عشان خاطر أوقع بين حد و حد أو عشان خاطر أسخن حد علي حد، أنا عامل الفيديو دة عشان أنا عندي إستفسارات مش لاقلها إجابة! و وجهتها بطرق شرعية كتير وتسلسل قيادي وحاولت أوصل صوتي ومحدش عايز يسمع ولا حد عايز يوصل صوتي فـ قولت أعمل الفيديو دة وأسال فيه إللي عايز أسالو وهو هيوصل أكيد يعني، أكيد يابطل هيوصل إن شاء الله طول ما مصر فيها شرفاء..

وديع أسالتي هي:






1- أنا من ضباط 8 إبريل إحنا نزلنا مع بعض ميدان التحرير وإتحاكمنا مع بعض كان عددنا إللي إتحاكم 22 ضابط وكلنا خدنا تهمة من النيابة العسكرية وهي ( إتفقو فيما بينهم علي إثارة الفتنة بين أفراد القوات المسلحة ونزول ميدان التحرير والإنضمام لصفوف المتظاهرين وإعتلاء المنصات الرئيسية) هذه هي التهمة الموجهة لنا | طيب سؤالي هنا: دلوقتي في 21 ضابط تم الأفراج عنهم لماذا لم يفرج عني.. ما الفرق بينى وبين زملائي؟ .. زملائي خرجو من 4 شهور أنا في السجن بقالي 18 شهر من يوم 8 إبريل 2011 وانا محبوس .. ليه محدش عايز يجاوبني علي السؤال دة؟

2- كان دايما بيتقالي إن مشكلتي مع المشير محمد حسين طنطاوي طيب دلوقتي المشير اتم إحالته للتقاعد بأمر السيد رئيس الجمهورية، انا مشكلتي دلوقتي مع مين؟

3- ليه محدش عايز يقابلني ؟، من يوم ما الفريق السيسي تولي قيادة القوات المسلحة وانا طالب مكتبو هو والفريق صدقي وكلمت اللواء طيار احمد سعاد رئيس فرع التنظيم والأدارة كلمته تليفون وقولتله يافندم انا طالب مكتب سيادة الفريق السيسي قالي أكتب وبعت باسم الفريق اول عبد الفتاح السيسي والورق راح هيئة تنظيم وادارة ولا حياة لمن تنادي؟!