فقط فى لعبة GTA ممكن تحس انك بتسافر للقمر بموتوسيكل

بس تعالو نطلع سوا فى رحلة للقمر بخيالنا وعقولنا.
.





.
القمر هو اقرب الجيران لينا فى الفضاء وهو برضه اكتر نجم اتمرمط معانا سواء فى الاشعار الرومانسيه او الروايات وبرضه زمان الانسان كان ب
يعتبره آله وكان ليه كذا اسم
يعنى مثلا قدماء المصريين كان بيسموه الآله "خونسو" والرومان سموه "لونا" والاغريق سموه "سيلين" و"أرطميس".

طيب القمر ده تكون ازاى؟؟
اكتر النظريات العلميه قبولا فى مسألة تكون القمر بتقول ان القمر انفصل عن الارض من حوالى 4.5 مليار سنة نتيجة اصطدام جرم سماوى كبير مع الارض ولان الارض وقتها كانت عبارة عن محيطات من الحمم البركانيه والانصهارات الشديده فالقمر برضه لما تكون كان عباره عن مجموعه من المحيطات من الحمم البركانيه وكان المسافه بينه وبين الارضه وقتها 22.5 ألف كيلومترا لكن كان كل سنة بتعدى كان بيبعد عن الارض بحوالى 4 سنتيمتر
ودلوقتى المسافه بين الارض والقمر حوالى 363 ألف كيلومتر
يعنى تخيل قدرة ربك سبحانه وتعالى انه يخلى القمر يفضل يبعد عننا كل سنة 4 سم بس من 4.5 مليار سنة والطاقه اللى بتخليها يبعد بياخدها من طاقة دوران الأرض حول محورها يعنى العمليه مش هباءً وخلاص ... سبحان الله
وده فيديو انيميشن بسيط هيوضحلك القمر تكون ازاى.




طيب جاذبية القمر اد ايه؟
بص ياعم...حجم القمر بيساوى حوالي 27% من حجم كوكب الأرض
وده بيخلى الجاذبية بتاعته حوالى سدس جاذبية كوكبنا ...ازاى برضه ؟؟
يعنى لو وزن سيادتك 60 كجم على الارض وطلعت عالقمر هيبقى وزنك 10 كجم بس...اظن مفيش رجيم احلى من كده ^_^
وده برضه معناه انك لو جييت مثلا توقع طوبه على القمر هتلاقيها بتقع ببطىء كأنها متصوره بالتصوير البطىء....
دى كانت نبذة بسيطة جدااااااااااا عن القمر.

وفى النهايه لا يسعنى الا ان اقول سبحان الله