واه يا عبد الودود :: كلمات أحمد فؤاد نجم :: غناء أحمد سعد
واه يا عبد الودود
يا رابص ع الحدود
و محافظ ع النظام
كيفك يا واد صحيح
عسى الله تكون مليح
و راقب للامام
امك ع تدعى ليك
و ع تسلم عليك
وتقول بعد السلام
خليك جدع لابوك
ليقولوا منين جابوك
و يمسخوا الكلام
واه يا عبد الودود
ع اقولك وانت خابر
كل القضيه عاد
ولسه دم خيك ما شرباش التراب
حسك عينك تزحزح يدك عن الزناد
خليك يا عبده راصد لساعة الحساب
آن الآوان يا ولدى ما عاد الا اليعاد
تنفض الشركه واصل
وينزاحو الكلاب
ان كنت واد لابوك
تجيبلى تار اخوك
و الاهل يبلغوك جميعا السلام
واه يا عبد الودود
كيفك وكيف زمايلك عسى الله طيبين
خالك زناتى جاى لك ضمن المطوعين
واختك تطلع يوماتى ع المستشفى القديمه
حاكم ع يمرنوها فى العركه تكون حكيمه
و محمدين موافى يتعلم المطافى
و يقولك شد عزمك ويقول لك العوافى
من هنا القرايب والعيله والعيال
بيبلغوك سلامهم ولتمة الرجال
وآخر الكلام نقولك فى الختام
الله يصون بلدنا ويحرص السلام
والدك حسن محارب
غفير برج الحمام
توقيع :Galal Hasanin
Mr. Galal Hasanin
Expert Teacher of English Language
El-Malek El-Kamel High School
Mansoura Secondary High School
رااائعة بجد )
اللهم احمى جنودنا الوطنين و جيش مصر العظيم الى بيقف على حدود بلاده علشان يحمى ارضه و نعيش كلنا بامان بفضلهم
حكاية مصري بسيط اصيل ع الحدود :"
[1]
واه يا عبد الودود احمد سعد
)