- الصفحات
- مكتبة الميديا
سيارة قادمة بسرعة تصدم طفل يمر بعرض الطريق الخالي تماما من أي بشر
صورة ارشيفة
سيارة قادمة بسرعة تصدم طفل يمر بعرض الطريق الخالي تماما من أي بشر
ينزل شخص مسرعا ليجد الطفل لم يمت بعد
يقف متوترا لا يدري ماذا يفعل ولا يجد من يلجأ اليه ، وفجأة يظهر شخص من العدم
- مالك متوتر كدا ليه ؟
= ااا خبطت الطفل ده بالعربية ومش عارف اعمل ايه ، بس هو لسه عايش يعني وكويس
- ده كل اللي مضايقك يعني ؟
= ايوة ، ممكن تساعدني نحاول ننقذه ؟
- لأ .. وعموما يعني متضايقش نفسك الموضوع مش مستاهل
= نعم !
- غالبا ده طفل غبي بيعيط كتير وما بيعرفش يعمل حمام لوحده امه مسرباه ينزل يشتري كروت شحن علشان تتفرج علي المسلسل التركي من غير دوشة ، او ابوه هو اللي مسربه علشان واحد صاحبه مديله حباية عايز يثبت بيها رجولتة ويأكد علي انه لسه ليه لازمة في الحياة ، ومبقاش عايش علشان يرمي الزبالة وياخد الباب في ايده وهو نازل
= .........
- الطفل لو مكنش حد ساذج زيك خبطه بالعربية كان ممكن يتخطف او دكتور سيد الشاذ صاحب صيدلية صدّرها إغتصبه ، بسبب اهمال اهله ولو نجي من ده كله كان هيروح المدرسة ومدرس مريض يضربه بالمسطرة علي ضهر ايده لحد ما يتعقد ويشرب سم او يرمي نفسه من بلكونة ، او تقع عليه بوابة مدرسة .. او ف الليفل الأخير الأتوبيس يولع بيه عادي يعني
= بس انا اللي خبطته !
- صدقني أحسن ، ده لو كبر كان هيطلع دينه ف تعليم غبي ومدرسات ما بيعملوش سويت وضوافرهم فيها طينة وبيطرقعوا لبان ، وثانوية عامة وإمتحانات وتوتر وجامعة وكبيَّرة شيتات ودكاترة صعايدة بيضيفوا أجزاء علي المنهج ويتحرشوا بالبنات وكويز كل اسبوع وامتحانات شفوية الهدف منها تدريبك علي الفتي والكذب وقلع البنطلون ولم الملفات اللي الدكتور بيرميهالك علي الأرض علشان 3 درجات
= لسه ماماتش !
وبنات الدفعة اللي بيبقوا كلهم مملين وبيقعدوا في البينشات الأولي ويبيضوا المحاضرات وما بيكلموش ولاد ، وتلاتة بس باقيين بيلبسوا سكيني وينزلوا الكلية علشان يقعدوا علي السلالم ويهزروا مع الولاد ويصاحبوا المعيدين ، غالبا اسمائهم بتبقي منّة وغدير وسارة ، ودول بيكونوا روشين فشخ وهدفهم في الحياة التريقة علي أمثاله
= .........
هيتخرج بعد كل ده سطحي وغبي ومعقد وضعيف ومعندهوش ثقة ف نفسه ومش هيلاقي شغل وهيترفض في كل انترفيو يروحه لحد ما ينتهي بيه الحال بيشد بودرة ويموت باوفردوز ، او متعلق علي يافطة ف طريق مصر إسماعيلية !
فا صدقني انتي بتختصر عليه مراحل كتير جدا !
= عندك حق
* يسترجع الطفل وعيه ويحاول انا يقف
*يركب الرجل سيارته مسرعا قبل انا يقف ويدوسه مرة أخري ويقف عليه بالسيارة ، ويروح ويجي عليه بعنف وهو يهمهم بصوت يختلط بالبكاء : انا اسف يا ابني ، اسف ، لازم تموت ، لاازم تموووت
= ما قولتليش بقي يا ريس ، انت تطلع مين ؟
- انا ضميرك
= فعلا ! ، طب ممكن تنزل قدام العربية كدا تشوفهولي مات والا لأ
* بينزل
* بيدوسه بالعربية ، ويمشي .
من كتابات ::
