انا عايز افهم هو مفيش اي رقابة علي المصنفات الفنية سواء افلام او برامج او كليبات او حتي علي السوشيال ميديا ؟؟!! ولا دور وزير الثقافة ايه بالضبط ولا السئولين بيشوفوا رد فعل الناس الاول علي العمل سواء فني او برامج ابعد كدة يبقي يحلها ربنا!!!!!
يعني علي سبيل المثال وليس الحصر في ايام قليلة تلاقي تحف ومصايب زي سحابة حريق قش الرز.
المصلحة الاجتماعية ايناس الدغيدي قال ايه كلمت ربنا في المنام؟ وقولتيله ايه يا طاهرة؟ قالت لربنا انها مش بيعجبها كلام الانبياء .. وعادي جدا ان يبقي في بيوت دعارة للترفيه عن الشباب .. وكمان عادي ان يبقي في جنس قبل الجواز (دا علي سبيل التجربة يعني!)
تعالي بقي لخالد منتصر وتصريحاته المتبجحة عن وجود مواد سامة في ماء زمزم وان الصيام ليس مفيد للصحة وان الخنازير حلوة عادي ...
وبعدين ياسيدي بقي نفتح الفضائيات علشان نشوف الطاهرة الشريفة العفيفة اللي مش عايزة حد يمسك ايدها في كليبها القذر " سيب إيدي " مع ان ايدا هي الحاجة الوحيدة اللي متمسكتش في الكليب.
وبعدين ييجي التفكير الجهنمي في شبكة تبادل الزوجات (منعا للملل) ...
كل دا يا عالم ومش عايزين تشوفوا شوية بلطجية يولعوا في دقن راجل مسن؟ ومسغربين لما تشوفوا بلطجية بيشرحوا شاب امام أمه؟ او شوية عيال ( طلبة) يولعوا في لجنة ويتحرشوا بالمدرسة لانها منعتهم من الغش !!! وقال ايه عايزين نشوف حل لحالات التحرش التي تفشت في البلد !!
